“Əvvəl “5658 ədəd qədim erməni abidəsi”nin varlığını sübut edin, sonra...”-Tarixçi alimdən sərt cavab   

Qondarma “artsax xalqının əsas hüquqlarının müdafiə komitəsinin” üzvü, özünü “beynəlxalq hüquqşünas” adlandıran Qarnik Kerkonyan erməni mediasına açıqlama verib. 

O, iddia edib ki, 1088 səhifəlik hesabat hazırlayıblar və hazırda məhv olmaq, silinmək və ya səhv aid edilmək riski altında olan 5658 qədim erməni mədəni və dini məkanı sənədləşdirilib. 

Məsələ ilə bağlı Oxu24.com-un suallarını AMEA-nın Tarix İnstitutunun əməkdaşı, Azad Edilmiş Ərazilərdəki Tarix və Mədəniyyət Abidələrini Müdafiə təşkilatı ictimai birliyinin sədri, professor Faiq İsmayılovun cavablandırıb.

O, bildirib ki, Qarnik Kerkonyanın siyahısında hansı “erməni erməni abidəsi” olduğunu bilmir, amma anlayırır ki, yeni uydurulmuş nağılları yenə “fakt” kimi ortaya atıblar.

Həmçinin oxuyun

Vətəndaş pensiya və müavinətin məbləğinin artırılması ilə bağlı müraciət edə bilərmi?:  VACİB AÇIQLAMA  

Fevralın 17-də hava necə OLACAQ?

Milli Məclis bu qanunda dəyişiklik etdi: müəllimlərin imtahan qaydası dəyişir

73 mindən çox abonentin qazı olmayacaq

"Bu xalqın qaranlığa sürükləyən hər zaman öz beyinlərində yaratdıqları əsli olmayan, heç bir fakta, sübuta əsaslanmayan nağıllar quraşdırması , ona inanması və nəhayət o nağıl uğrunda mübarizə aparmasıdır. Əslində ermənilər özləri də anlayır ki, hayların Qafqaza gəlişi 1813-1828-ci illərdən hesablanır. Onlar dəqiq bilirlər ki, Qarabağ ərazisində qədimliyi ilə seçilən xristian abidələri xristianlıqdan əvvəl və sonrakı dövrlərin zəngin tarixi yaddaşıdır. Müsəlman dininin Azərbaycanda var olmadığı vaxtlarda ibadətə açıq olan belə xristian kilsələr , abidələr türk -oğuz tayfalarının ruhunu yansıdır. Bu abidələrin hər birində Azərbaycan xalqının tarixi, milliliyi, adət-ənənələri süzülür. Sovet dönəmində Laçın rayonunun Kosalar kəndindəki Ağoğlan məbədi  Qafqaz Albaniyası dövrünə aiddir. İnşa tarixi IV-V əsrlərə aid edilir. IX əsrdə təmir edilməsi haqqında məlumatlar var. İşğal dövründə mühafizə divarı dağıdılmış, divar yazı nümunələri dəyişdirilmiş, məbədin ətrafına 4 qəbir daşı düzülmüşdür. Təmir olunaraq erməni kilsəsi kimi təqdim edilir. 

Laçın rayonunun Kosalar kəndində tarixi IV-V əsrlərə aid edilən, Qafqaz Albaniyası dövrünə aid olan qədim bir kilsəmiz var. Adı da Ağoğlan məbədi! Ermənilər Qarabağı İşğal etdikdən dərhal sonra oğuz türklərinin bu torpaqdakı qədimliyini isbat edən həmin abidəyə hücum etdilər. Əvvəl mühafizə divarı dağıdıldı, divar yazı nümunələri dəyişdirildi, məbədin ətrafı da tamamilə dəyişdirildi. Bir sözlə, abidəyə elə mala çəkdilər ki, abidə tanınmaz oldu və 28 il dünyaya erməni kilsəsi kimi təqdim edildi. Qarabağda yüzlərlə belə abidəmiz var ki, erməni işğalı onları tamamilə dəyişib. Guya erməniləşdirib. Amma anlamırlar ki, o abidələr işğaldan əvvəl araşdırılıb, yekun nəticə əldə edilib, fotoları var. Sən “erməni abidəsi” deməklə deyil ki... Ümumiyyətlə, ermənilər Qarabağda 700-dən çox qədim Qafqaz Albaniyasnın memarlığına aid tarix və mədəniyyət abidələrinin dəyişdirib, dəyişdirə bilmədikdə isə tamamilə uçurublar. Xüsusən o abidələri uçurublar ki, onları “qədim erməni” abidəsi kimi düzəltmək, dəyişmək mümkün deyil. Bundan başqa bu işğalçı zehniyyət 28 illik işğal dövründə Azərbaycan əraziləridə ucaltdıqları kilsə, məbəd və dini mərkəzləri də “qədim erməni “ tarixi kimi qeydiyyata alıblar ki, bu da absurd bir addımdır. Məsələn, 7 aprel 2019-cu ildə Xankəndidə "Müqəddəs Məryəm ana" kilsəsinin açılışı olub, hətta ermənilər o vaxt fəxrlə yazırdı ki, II Qaregin də o açılış mərasimində iştirak edib. Əminəm, Qarnik Kerkonyanın xəstə təxəyyülünün məhsulu olan o “qədim erməni abidələri” siyahısında "Müqəddəs Məryəm ana" kilsəsinin də adı var. Bir sözlə, bütün dünya bilir ki, Qarabağ Azərbacanın bir hissəsidir və Azərbaycan öz ərazisində onun icazəsi olmadan tikilən istənilən tikilini sökmək ixtiyarı var . Azərbaycan tarixini qədim nümunələri olan tarixi abidələr isə mütləq bərpa olunmalı, işğaldan əvvəlki görkəminə gətirilməlidir” -deyə Faiq İsmayılov vurğulayıb.             

Əntiqə Rəşid