Şuşaya hansı yolla gedib-gələcəyik?

“Şuşaya əsas yol Laçın dəhlizi ilə təmin edilir. İndiki mərhələdə Ermənistan ərazisindən Laçına giriş nöqtəsindən Xankəndinə qədər 5 km enində olan dəhliz "sülhmərəmlı"ların nəzarətindədir. Şuşaya da həmən dəhliz vasitəsi ilə gediləcək".

Oxu24.com  bildirir ki,bu sözləri redaktor.az-a açıqlamasında hərbi məsələlər üzrə ekspert Fəhmin Hacıyev deyib.

O, Şuşaya bir neçə başqa yol olduğunu da bildirib: 

“İkinci yol Ağdam-Əsgəran-Xankəndi-Şuşa yoludur. Həmin ərazilərdə isə ermənilər yaşayır. Vaxtı ilə bu yolla avtobuslar işləyirdi və yol boyu basqılara məruz qalırdı.

Üçüncü yol isə Hadrut-Xankəndi yoludur. Bu yol Şuşa-Xankəndi yolunun ortalarında yenə də dəhlizə birləşir. Kənardan qısa bir yol inşaa etmək, maneəsiz Şuşaya gedib-gəlmək olar", - F.Hacıyev əlavə edib.