Pilotların gizli qorxusu: Onlar hündürlükdən yox, bu məsələdən qorxurlar!  

Çox vaxt elə düşünülür ki, təyyarə pilotları ən çox hündürlükdən və ya güclü turbulansdan çəkinirlər. Lakin aviasiya ekspertləri və araşdırmalar tamamilə fərqli bir reallığı ortaya qoyur. Pilotlar üçün hündürlük adi bir rəqəm, turbulans isə gündəlik iş rejiminin bir hissəsidir. Onları əsl narahat edən məsələlər tamamilə başqadır.

Oxu24.com xəbər verir ki,müasir təyyarələr elə qurulub ki, pilot kabinəsi daim vizual və səsli bildirişlərlə "danışır". Ekranlar, xəbərdarlıqlar və cihazlar fasiləsiz məlumat axını təmin edir. Məhz buna görə də kabinedə qəfil yaranan mütləq sükut pilot üçün ən qorxulu siqnal hesab olunur. Çünki sükut çox vaxt sistemlərin sıradan çıxması və ya nəyinsə işləməməsi mənasına gəlir.

Aviasiya araşdırmaları göstərir ki, böyük qəzaların əksəriyyəti tək bir qlobal səhv ucbatından deyil, ardıcıl gələn xırda yanlışlıqların üst-üstə düşməsindən yaranır. Bir düymənin gec basılması və ya vacib qərarın bir neçə saniyə gecikdirilməsi idarəetmənin tamamilə itirilməsinə yol aça bilir. Pilotların ən böyük qorxusu da məhz budur: vəziyyətin bir andaca nəzarətdən çıxması.

Müasir uçuşların böyük hissəsi avtopilot vasitəsilə idarə olunur. Bu rejim rahat görünsə də, uzunmüddətli uçuşlarda insan beynini passivləşdirir. Qəfil fövqəladə vəziyyət yarandıqda isə insan beyninin dərhal reaksiya verməsi saniyələrlə ölçülən gecikmələrə səbəb olur ki, havada bu saniyələr həyati əhəmiyyət kəsb edir.

Bundan əlavə, pilotların qarşılaşdığı digər ciddi risklər bunlardır:

“Xüsusilə təyyarənin qalxma anında quşların mühərrikə daxil olması pilotu saniyələr içində çox ağır qərarlar vermək məcburiyyətində qoyur.

Saat qurşaqlarının dəyişməsi, uzunmüddətli uçuşlar və gərgin qrafik beyində alkoqol qəbuluna bənzər reaksiya ləngiməsi yaradır.

Sonda qeyd etmək lazımdır ki, pilotlar ölümdən deyil, idarəetməni itirəcəkləri və hazırlıqsız yaxalanacaqları o kritik andan qorxurlar.

Nigar

Həmçinin oxuyun

10 avqustda bizi nələr gözləyir? — ULDUZ FALI

Leysan,dolu və şimşəklə bağlı XƏBƏRDARLIQ

Azərbaycanda 8 gün iş olmayacaq 

Nikol Paşinyan İlham Əliyevə zəng etdi