Hər evdə olan bu cihaz danışıqlarımızı dinləyirmiş

news/2025_10_17/1760643335_1298344_1760730508.jpg

MARAQLI

1437

17.10.2025, 23:47

Kaliforniya Universitetinin (UC Irvine) alimləri adi optik kompüter siçanlarının səs dalğalarını titrlər vasitəsilə qəbul edərək danışılan sözləri müəyyən edə bildiyini aşkar ediblər. Bu yeni hücum üsuluna zarafatla "Mic-E-Mouse" adı verilib.

Oxu24.com xəbər verir ki, tədqiqatçılar cəmi 35 dollarlıq, 20 min DPI həssaslığa malik bir siçandan istifadə edərək xüsusi proqramla söhbətləri 61% dəqiqliklə "dinləməyi" bacarıblar.

Danışdıqda masada yaranan mikroskopik titrəmələr siçanın sensoru tərəfindən qeydə alınır. Bu titrəmələr proqram vasitəsilə təmizlənir. Daha sonra süni intellekt həmin titrəmələrdən söz və rəqəmləri təxmin edir.

Xüsusilə qısa sözlər və kredit kartı nömrələri kimi rəqəmlər yüksək dəqiqliklə tanınır - bu da böyük təhlükə yaradır.

Bu prosesin həyata keçməsi üçün əvvəlcə kompüterə zərərli proqram yüklənməlidir.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Mütəxəssislər bildirir ki:

Siçan sensor məlumatları antiviruslar tərəfindən zəif qorunur

Hətta sadə "open source" proqram belə bu məlumatları oğurlamaq üçün kifayət edir

Masanın materialı belə nəticəyə təsir edir

Sərt və hamar səthlərdə siçan daha dəqiq "dinləyir"

Mouse pad və ya parça örtük istifadə edildikdə təsir xeyli azalır

Səsli və ya titrək mühitdə sistemin dəqiqliyi düşür

Alimlər həmçinin qeyd ediblər ki, siçan addım səslərini və klaviatura tuş vuruşlarını da titrəmə ilə ayırd edə bilir.

Tədqiqat qrupu nəticələri 26 siçan istehsalçısına göndərib və təhlükəsizlik tədbirləri görülməsini tələb edib. Hazırda bəzi şirkətlər sensor məlumatlarının qorunması üçün təhlükəsizlik yeniləmələri hazırlayır.

Mütəxəssislərin tövsiyəsi:

Mouse pad istifadə edin

Şübhəli proqram quraşdırmayın

Mikrofon olmasa belə həssas məlumatları səslə ifadə etməyin

(milli.az)