Həmin günü 129 qadın öldürülüb - 8 Mart gününün tarixçəsi

MARAQLI

800

08.03.2025, 12:11

Bu gün Beynəlxalq Qadınlar Günüdür. 8 martda insanlar ətrafındakı xanımlara hədiyyələr alır, xoş sözlər arzulayır.

Bəs dünyada bu bayram ilk dəfə necə qeyd edilib? Niyə insanlar 8 martı Qadınlar Günü olaraq qəbul edib?

Oxu24.com Beynəlxalq Qadınlar Gününün tarixini təqdim edir.

Hər il 8 mart tarixində qeyd olunan bu bayram qadınların iqtisadi, ictimai və siyasi mübarizəsini, habelə qadınlara qarşı nəzakət, sevgi və məhəbbətin tərənnümünü özündə ehtiva edir. Dünyanın bir çox ölkələrində 8 mart iş günü hesab edilmir. İlk dəfə 1977-ci ildə BMT 8 martı rəsmi olaraq Beynəlxalq Qadınlar Günü kimi qəbul edib.

Ümumiyyətlə, qadınların bu bayramın yaranmasına dair birinci addımı 1857-ci ilə qədər gedib çıxır. Belə ki, həmin ildə Amerikada qadınlar uzun saatlar işləməyinə baxmayaraq maaşın aşağı olmasına, ayrıseçkiliyə, qənaətbəxş olmayan iş şəraitinə etiraz etməyə başlayıb. 1908-ci ildə isə Nyu-Yorkda 15000 qadın, daha qısa çalışma saatı, daha yaxşı gəlir və səsvermə hüququ üçün nümayiş təşkil edib. Elə o mitinqdə qadınlar ilk dəfə hamiləlik dövründə işdən azad edilmə hüququ uğrunda savaşıblar.

Həmçinin oxuyun

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Gəncləşmiş ölümlərin səbəbi bu imiş? — Mütəxəssisdən ŞOK XƏBƏRDARLIQ

Əslində, 8 martdan öncə 28 fevral qadınlar bayramı olaraq təyin edilib. Lakin 1910-cu ildə Klara Setkin adlı alman sosialist qadın bu hadisəni 1857-ci ilin 8 martında keçirilən mitinqlə əlaqələndirərək Beynəlxalq Qadınlar Gününün məhz bu gündə olmasını təklif edib. Bunun səbəbi odur ki, sözügedən tarixdə 129 qadın yandırılaraq öldürülüb və K. Setkin həmin qadınların şərəfinə 8 martın özəl olmasını istəyib. Klaranın təklifi qəbul edilib. Həmin dövrdən bu günə kimi 8 mart Beynəlxalq Qadınlar Günü kimi qeyd edilir.

Bundan əlavə, 1975-ci il dünya qadınları üçün xüsusi əhəmiyyət daşıyır. Çünki 1975-ci il Beynəlxalq Qadınlar İli olaraq tarixə düşüb.

Qeyd edək ki, 8 Mart bütün dünyada qəbul edildikdən sonra qadınların rifahı, təhsili, yaşam statuslarının yaxşılaşdırılması uğrunda müxtəlif layihələr başladılıb.