İki "KİA" toqquşdu: 1 ölü, 6 yaralı

23:30

Şəmkirdə ölümlə nəticələnən yol-nəqliyyat hadisəsi baş verib. 

OXU245.COM xəbər verir ki, hadisə Bakı-Qazax magistral yolunun rayonun Könüllü kəndi ərazisindən keçən hissəsində baş verib. 

Hərəkətdə olan iki "KİA" markalı avtomobilin toqquşması nəticəsində bir qadın hadisə yerində ölüb, 6 nəfər isə müxtəlif bədən xəsarətləri alaraq xəstəxanaya yerləşdiriliblər. Onların kimliyi dəqiqləşdirilir. 

Faktla bağlı araşdırma aparılır.

----------

22:49

Şəmkirdə baş verən qəzada xəsarət alanlardan biri ölüb.

Milli.Az APA-ya istinadən bildirir ki, hadisəyə səbəb iki "KİA" markalı minik maşınlarının toqquşması olub.

Xəsarət alanlardan ikisi xəstəxanaya yerləşdirilib.

Faktla bağlı araşdırma aparılır.

----------

21:30

Şəmkirdə yol-nəqliyyat hadisəsi baş verib.

 OXU24.COM bildirir ki, hadisə Bakı-Qazax magistral yolunun rayon ərazisindən keçən hissəsində qeydə alınıb.

Qəza nəticəsində bir neçə nəfərin xəsarət aldığı bildirilir.

Hadisə yerinə təcili tibbi yardım birqadaları və polis əməkdaşları cəlb olunub.