Bakıda dəhşətli anlar: Bıçaqla satıcıya hücum çəkdi - ANBAAN 

Bakıda mağazaya soyuq silahla basqın olub. Bıçaqla silahlanmış şəxs kassada olan işçiyə yaxınlaşaraq onu mətbəxt bıçağı ilə hədələyib pulları tələb edib. Həmin şəxs kassadan 1200 manat pulu götürüb qaçıb. Bütün olanlar mağazanın təhlükəsizlik kamerasına da düşüb.

Başında papaq, üzündə tibbi maska olan şəxs marketə soyuq silahla basqın edib.

Hadisə ötən gecə paytaxtın Xətai rayonu Gəncə prospektində baş verib. Üzündə tibbi maska, başında da papaq olan bir nəfər əvvəlcə vtrinlərdəki mallara baxır. Daha sonra bir su butulkası götürərək kassaya yaxınlaşır. O, əvvəlcə kassada olan Cavad Nurullayevə pul verir. Sonra isə qolunda gizlətdiyi mətbəxt bıçağını çıxararaq satıcını hədələyərək ondan pul tələb edir. Bütün olanlar mağazanın təhlükəsizlik kamerasına da düşüb.

Naməlum şəxs bıçaqla onu qorxutduqdan sonra kassada olan 1200 manat pulu götürərək hadisə yerindən qaçıb. Zərərçəkmiş Cavad Nurullayev deyir ki, naməlum şəxs həmin gün iki dəfə onların mağazasına daxil olub. Hadisədən sonra onlar ''102'' xidmətinə dərhal məlumat veriblər. Hadisə yerinə ərazi üzrə 36-cı polis bölməsinin əməkdaşları gəlib baxış keçiriblər.

Faktla bağlı Xətai rayon polis idarəsində cinayət işi başlanıb. Polis görüntülər əsasında hadisəni törədən şəxsin saxlanması üçün əməliyyat-axtarış tədbirləri keçirir.