DTX onların izinə düşüb – Bakıda keçirilən gizli toplantılarda hansı plan qurulub?

Əli Kərimlinin həbsi ilə bağlı aparılan istintaq prosesinin kökləri 2012-ci ilə gedib çıxır və bu müddət ərzində Dövlət Təhlükəsizliyi Xidmətində (DTX) çoxsaylı tanınmış şəxslərin ifadələrinin alındığı bildirilir.

İstintaqın diqqət mərkəzində həmin illərdə fəaliyyət göstərmiş ictimai-siyasi təşəbbüslər, xüsusilə 2009-cu ildə yaradılan Ziyalılar Forumu və 2013-cü ildə elan olunan Milli Şuranın fəaliyyəti dayanır.

Məlumatlara görə, o dövrün ictimai proseslərində yer alan müxtəlif ziyalılar və siyasi xadimlər də istintaqa cəlb olunub və bu qurumların yaranması, fəaliyyəti, eləcə də həmin çağın siyasi prosesləri ilə bağlı suallarla üzləşiblər. Hadisələrin məhz həmin tarixdən araşdırılmağa başlanması, həmçinin bu qurumlarda təmsil olunmuş şəxslərin ifadələrinin toplanması istintaqın yönəldiyi istiqamət barədə müəyyən təsəvvür formalaşdırır.

Maraqlıdır, istintaq işə niyə o dövrdən başlayıb? Əli Kərimli ilə üzləşmə aparılıbmı?

Globalinfo.az-a danışan tanınmış jurnalist, Ziyalılar Formunun üzvi olmuş Elçin Şıxlı qurumda olan şəxslərdən kimin dindirilməsi barədə məlumatsız olduğunu bildirib:

“Konkret deyə bilmərəm ki, filan adam dindirilib və ya üzləşmə olub. Ziyalılar Formunda Əli Kərimlinin rolu olmayıb, elə də önəmli fiqur deyildi. Əsas önəmli şəxs Rüstəm İbrahimbəyov idi. Onu da Ramiz Mehdiyev məhv etdi. Adama iş görməyə imkan vermədi, bütün yollarını bağladı. Məsələn, Milli Şuranın sədri olaraq Rüstəm bəy ölkədə yeni işlər görmək istəyirdi. Buna görə dövlətdən pul istəmirdi, əksinə, ölkəyə xeyir vermiş olacaqdı. Lakin Ramiz Mehdiyev bütün yollarını bağladı”.

“Onu da deyim ki, Ramiz Mehdiyev atamın işdən çıxarılmasına, mənim qəzetimin bağlanmasına səbəb oldu. Onun istəyi əsasında bunlar baş verdi”.

Qeyd edək ki, Azərbaycan Ziyalılar Forumu 2009-cu ildə yaradılıb. Forumun əsas yaradıcıları yazıçı-dramaturq Rüstəm İbrahimbəyov, şair Ramiz Rövşən, alimlər Cəmil Həsənli, Rafiq Əliyev, politoloq Eldar Namazov olub. Azərbaycan Ziyalılar Forumunun əsas məqsədi ölkədə ictimai rəyin formalaşması və qərar qəbul etmə prosesinə təsiri artırmaq üçün ziyalıları toparlamaq olub. Formun üzvləri isə Rüstəm İbrahimbəyov, Ramiz Rövşən, Cəmil Həsənli, Rafiq Əliyev, Eldar Namazov, Gültəkin Hacıbəyli, Çingiz Hüseynov, Cavanşir Quliyev, Musa Yaqub, Eldəniz Quliyev, Elçin Şıxlı, Arif Əliyev, Mehman Əliyev, Qulu Məhərrəmli, Ramiz Abutalıbov, Arzu Abdullayeva, Zəfər Quliyev, Erkin Qədirli olub.

Həmçinin oxuyun

İlhamə Quliyevanın məşhur "Unut məni"si bu müğənniyə həsr OLUNUBMUŞ

Sərhədi keçən əsgərimizə görə  Ermənistanda nə baş verir?  — Paşinyan da DANIŞDI

Gözəlov yüksək vəzifəyə TƏYİNAT ALDI -FOTO

Bu halda  texniki baxış mütləqdirmi? – Sürücülərə mühüm AÇIQLAMA