Azərbaycanda yol polisinə tabe olmayan məmur HƏBS OLUNDU

KRİMİNAL

653

21.11.2025, 17:36

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Goranboyda yol polisinə tabe olmayan sürücü həbs olunub.

Oxu24.com xəbər verir ki, Lent.az-ın məlumatına görə, hadisə rayonun Şahməmmədli kəndi ərazisində baş verib.

57 yaşlı Vəfadar Quliyevin (ad və soyad şərtidir) idarə etdiyi avtomobilin ön dövlət qeydiyyat nişanı standartlara uyğun gəlmədiyi üçün yol polisi tərəfindən ona “saxla” əmri verilib. Bu zaman onunla yol polisi əməkdaşları arasında mübahisə yaranıb və o, əməkdaşa “gedin işinizlə məşğul olun, siz kimsiniz?” deyib. Daha sonra ona avtomobilinin duracağı aparılacağı bildirilib və Vəfadar yenə etiraz edərək nalayiq ifadələr işlədib. Nəticədə o, saxlanılaraq, Goranboy rayon Polis Şöbəsinə aparılıb.

Fakt əsasında onun barəsində İnzibati Xətalar Məcəlləsinin 510 (xırda xuliqanlıq) və 535.1-ci (polis yaxud hərbçinin qanuni tələbinə tabe olmamaq) maddələri ilə protokol tərtib olunub.

Barəsində inzibati xəta üzrə icraat aparılan Vəfadar Quliyev bildirib ki, Goranboy rayon Statistika idarəsinin əməkdaşıdır:

“Səhər saat 9 radələrinə yol polisləri mənə “saxla” işarəsi verdilər. Lakin mən avtomobili dərhal yox, 30 metr sonra saxladım. Yol polisi əməkdaşı avtomobilimin ön nömrəsi standartlara uyğun gəlmir deyəndə əsəbiləşib, dedim ki, gedin işinizlə məşğul olun siz kimsiniz? Bundan sonra aramızda mübahisə böyüdü. Qərara alındı ki, maşınımı duracağa aparsınlar. Bu zaman da etiraz edərək onların tələbinə tabe olmadım”.

Vəfadar Quliyev əməlindən çox peşman olduğunu deyib. O, aqressiv davranışını yaşı və şəkər xəstəliyi ilə əlaqələndirib.

Goranboy rayon Məhkəməsinin qərarı ilə onun barəsində 10 gün müddətinə inzibati həbs cəzası verilib.

Həmçinin oxuyun