BDU-nun keçmiş müəllimi həbs edildi 

bşeron Rayon Məhkəməsində dələduzluqda təqsirləndirilən Xəyal Səmədovun cinayət işi üzrə məhkəmə istintaqı yekunlaşıb.

Oxu24.com   xəbər verir ki, hakim Cəmilə Səfiyevanın sədrliyi ilə keçirilən prosesdə hökm oxunub.

Məhkəmənin hökmü ilə ona 4 il müddətə azadlıqdan məhrumetmə cəzası təyin edilib.

İttihama görə, Xəyal Səmədov 2022–2023-cü illər ərzində müxtəlif vaxtlarda tanışları olan iki şəxsi aldadaraq onlara yalan vədlər verməklə ümumilikdə 20 500 manat məbləğində pul vəsaitini ələ keçirib.

Belə ki, o, zərərçəkmiş şəxs S.S.-in (adı, soyadı şərtidir) tikiş sexi açmaq niyyətindən xəbər tutduqdan sonra ona guya Əmək və Əhalinin Sosial Müdafiəsi Nazirliyi vasitəsilə tikiş maşınlarının verilməsinə və sexin fəaliyyətinin təşkili üçün müxtəlif qurumlarla əməkdaşlığa köməklik edəcəyini bildirib. Bu yolla həmin şəxsdən müxtəlif tarixlərdə ümumilikdə 12 000 manat pul alaraq mənimsəyib.

Bundan başqa, təqsirləndirilən şəxs zərərçəkmiş V.V.-yə (adı, soyadı şərtidir) hüquq-mühafizə orqanlarında işlədiyini və onun oğlunu həmin quruma gizir kimi işə düzəldəcəyini vəd edərək 2023-cü ilin fevral ayında ondan ümumilikdə 8 500 manat pul alıb. Lakin verdiyi vədləri yerinə yetirməyərək həmin vəsaiti özgəninkiləşdirib.

Həmçinin oxuyun

Müdafiə Nazirliyində yüksək vəzifəli hərbçi həbs olundu

Şəhid anası yanğında dünyasını dəyişdi

Təcili! Milli Məclis bu qərarları qəbul etdi

Pensiyalar nə qədər artırılacaq? - Millət vəkili 

Məhkəmədə Xəyal Səmədov ona elan olunmuş Cinayət Məcəlləsinin 178.2.2 və 178.2.4-cü maddələri üzrə ittihamı qismən qəbul edib, birinci zərərçəkmişə borcunun qal­madığını, ikinci zərərçəkmişə isə yalnız cüzi məbləğin ödənilməmiş qaldığını bildirib.

Xəyal Səmədov məhkəmə ifadəsində bildirib ki, 2004-2015-ci illərdə hüquq-mühafizə orqanlarının birində zabit kimi çalışıb. O, həmin qurumdan 2015-ci ilin aprel ayında ailə vəziyyəti ilə əlaqədar öz ərizəsi ilə işdən çıxıb. Onun sözlərinə görə, 2019-cu ilin sentyabr ayından 2020-ci ilin mart ayına qədər Bakı Dövlət Universitetinin Politologiya kafedrasında “Tətbiqi politologiya” və “Milli təhlükəsizliyin əsasları” fənləri üzrə saat hesabı ilə dərs deyib.

Zərərçəkmiş ifadəsində söyləyib ki, uzun müddətdir taksi fəaliyyət ilə məşğul olur. 2022-ci ilin əvvəllərində idarə etdiyi taksi avtomobili ilə sərnişin daşıyarkən Xəyal Səmədov ilə tanış olub.

Təqsirləndirilən şəxs özünü hüquq-mühafizə orqanlarından birinin əməkdaşı olduğunu, atası Zərdan Səmədov isə Gəncə Texnologiyalar institutunda müəllim işlədiyini bildirib. (Pravda.az)