Ramiz Mehdiyevin cinayət işinin ŞOK DETALLARI: Ömürlük həbsə aparan MADDƏLƏR

Xəbər verdiyimiz kimi,  Prezident Administrasiyasının sabiq rəhbəri Ramiz Mehdiyev barəsində DTX tərəfindən cinayət işi açılıb.

O, Cinayət Məcəlləsinin 278, 274 və 193-cü maddələri ilə ittiham edilir.

Bəs,bu maddələrdə nədən bəhs olunur?

Oxu24.com  xəbər  verir   ki, sözügedən maddələr  olduqca  ağır ittihamları özündə əks etdirir.

Cinayət Məcəlləsinin 278-ci maddəsində -  hakimiyyəti zorakılıqla ələ keçirmə və ya saxlama, konstitusiya quruluşunu zorakılıqla dəyişdirmədən bəhs edilir.   Azərbaycan Respublikasının Konstitusiyasına zidd olaraq hakimiyyətin zorla ələ keçirilməsinə, yaxud hakimiyyətin zorla saxlanılmasına, habelə dövlətin konstitusiya quruluşunun zorla dəyişdirilməsinə yönələn hərəkətlər—on iki ildən iyirmi ilədək müddətə azadlıqdan məhrum etmə və ya ömürlük azadlıqdan məhrum etmə ilə cəzalandırılır.

Azərbaycan Respublikasının konstitusiya quruluşunun, o cümlədən onun dünyəvi xarakterinin zorla dəyişdirilməsinə və ya ərazi bütövlüyünün parçalanmasına, yaxud hakimiyyətin zorla ələ keçirilməsinə yönələn hərəkətlərin dini düşmənçilik, dini radikalizm və ya dini fanatizm zəminində törədilməsi –on beş ildən iyirmi ilədək müddətə azadlıqdan məhrum etmə və ya ömürlük azadlıqdan məhrum etmə ilə cəzalandırılır.

Digər maddə 274-cü maddədir.

 Dövlətə xəyanət, yəni Azərbaycan Respublikasının suverenliyi, ərazi toxunulmazlığı, dövlət təhlükəsizliyi və ya müdafiə qabiliyyəti zərərinə olaraq Azərbaycan Respublikasının vətəndaşı tərəfindən qəsdən törədilən əməl: düşmən tərəfinə keçmə, casusluq, dövlət sirrini xarici dövlətə vermə, Azərbaycan Respublikasına qarşı düşmənçilik fəaliyyəti aparmaqda xarici dövlətə, təşkilata və ya onların nümayəndələrinə kömək etmə—on iki ildən iyirmi ilədək müddətə azadlıqdan məhrum etmə və ya ömürlük azadlıqdan məhrum etmə ilə cəzalandırılır.

193-cü maddə  yalançı sahibkarlıqdan bəhs olunur.

 Yalançı sahibkarlıq, yəni kredit almaq, rüsumlardan azad olmaq və ya digər əmlak mənfəəti əldə etmək, yaxud qadağan edilmiş fəaliyyəti gizlətmək məqsədi ilə sahibkarlıq fəaliyyətini həyata keçirmək niyyəti olmadan müəssisə və ya digər hüquqi şəxsin yaradılması xeyli miqdarda ziyan vurduqda habelə xeyli miqdarda gəlir əldə etməklə törədildikdə —cinayət nəticəsində vurulmuş ziyanın (əldə edilmiş gəlirin) iki mislindən üç mislinədək miqdarda cərimə və ya altı ayadək müddətə azadlığın məhdudlaşdırılması və ya altı ayadək müddətə azadlıqdan məhrum etmə ilə cəzalandırılır.

Miri Məcidli

Həmçinin oxuyun

Prezident 3 qurumu ləğv etdi, bir qurum yaratdı 

Rüfət Əhmədzadə vəfat etdi - Təcili 

SON DƏQİQƏ! Tarif Şurasından yeni QƏRAR:iyulun 23-dən qüvvəyə minir

Prezident fərman imzaladı:Nazirlər Kabineti iki ay müddətində...