Azərbaycanda ötən il vergi ödəyicilərinə qarşı 637 cinayət işi başlanılıb

KRİMİNAL

442

14.03.2025, 11:10

2024-cü ildə İqtisadiyyat Nazirliyi yanında Dövlət Vergi Xidmətində vergi ödəməkdən yayınma faktları üzrə Cinayət Məcəlləsinin müvafiq maddələri ilə cəmi 637 cinayət işi başlanılıb.

Bu barədə Nazirlər Kabinetinin 2024-cü ildə fəaliyyəti haqqında hesabatda bildirilir.

Sənədə əsasən, bu, 2023-cü illə müqayisədə 0,9 % azdır.

Hesabat dövründə ibtidai istintaqı tamamlanmış cinayət işləri üzrə vurulmuş 55,3 milyon manat məbləğində ziyandan ibtidai istintaq zamanı maliyə sanksiyaları ilə birlikdə 16,5 milyon manat mabləğin dövlət büdcəsinə ödənilməsi təmin edilib.

Həmçinin oxuyun

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Gəncləşmiş ölümlərin səbəbi bu imiş? — Mütəxəssisdən ŞOK XƏBƏRDARLIQ

Bundan başqa, ötən il yanvarın 1-dən Vergi Məcəlləsində və əlaqəli normativ sənədlərdə edimiş əlavə və dəyişikiklərlə bağlı vergi ödəyicilərinin məlumatlandırılması məqsədilə xidmət strukturları 870 minə yaxın vergi ödəyicisinin İnternet Vergi İdarəsindəki elektron kabinetinə 2,1 milyona yaxın məlumatlandırma xarakterli məktub göndərib.

Ümumilikdə dövr ərzində xidmat strukturları 5,5 min vergi ödəyicisinə ünvanlı xidmət göstərməklə, 4,3 min vergi ödəyicisinin iştirakı ilə 306 sayda görüş keçirməklə, yazışma xidmət kanalı vasitəsilə vergi ödəyicilərinə ümumilikdə 13,1 milyona yaxın məktub, o cümlədən 2 milyondan çox SMS göndərməklə vergi ödəyicilərini vəzifə və öhdəlikləri barədə məlumatlandırıb, onlara zəruri məlumatlar verib, habelə vergi ödəyicilərinə məxsus elektron kabinetlərdə müxtəlif aktual mövzularda elanlar yerləşdirilərək aidiyyəti vergi ödəyicilərinin məlumatlandırılmasını təmin edib.