SON DƏQİQƏ! Mərkəzi Bank vacib açıqlama yaydı

Bağlanan 2 bankın əməkdaşlarının əməkhaqları ödənəcək. Bunu bu gün keçirilən mətbuat konfransında Mərkəzi Bankın idarə heyətinin sədri Elman Rüstəmov deyib. Bildirilib ki, iyunun 1-dək həmin banklarda əhalinin qorunan əmanətlərinə çıxış imkanı da yaradılacaq.

İyunun 1-dək bağlanmış iki bankda əhalinin qorunan əmanətlərinə çıxış imkanı yaradılacaq. Bunu bu gün keçirilən mətbuat konfransında Mərkəzi Bankın İdarə Heyətinin sədri Elman Rüstəmov deyib. Konfransda bildirlib ki, Mərkəzi Bankının İdarə Heyəti uçot dərəcəsinin 7,25% səviyyəsində dəyişməz saxlanılması haqqında qərar qəbul edib. Faiz dəhlizinin yuxarı həddi 9%-dən 8%-ə endirlib. Aşağı hədd isə dəyişməz saxlanılıb. Elman Rüstəmov bağlanan 2 bankdakı vəziyyətə toxunaraq bildirib ki, həmin bankların əməkdaşlarının əməkhaqları ödənəcək.

Elman Rüstəmov qeyd edib ki, əhalinin bu banklardakı qorunan əmanətlərinə çıxış imkanı da yaradılacaq. Qanunvericiliklə bu müddət 3 ay olsa da, əmanətlərə çıxış imkanı iyunun 1-nə kimi təmin ediləcək.

O da vurğulanıb ki, Mərkəzi Bank ölkənin tədiyə balansı üzrə proqnozu dəyişib. Pandemiyanın təsiri nəticəsində ixrac gəlirlərində itki, idxal da isə azalma olacaq.

Elman Rüstəmovun sözlərinə görə, sığorta bazarındakı monitorinqlər isə bu sahədə kəskin problemin olmadığını göstərir.