Neft bahalaşır,Azərbaycana təsirlər olacaqmı? — İQTİSADÇI AÇIQLADI

İQTİSADİYYAT

1028

17.03.2026, 20:44

İdxaldan asılılıq bazarda qiymətləri yüksəldir - İqtisadçı

Paytaxtda dana ətinin qiymətində artım müşahidə olunur. Bundan başqa, bəzi məhsulların qiymətində də bahalaşma var. Dövlət Statistika Komitəsinin məlumatına görə, 2026-cı ilin fevral ayında istehlak qiymətləri 2025-ci ilin fevral ayına nisbətən 5,7 faiz, o cümlədən qida məhsulları, alkoqollu içkilər və tütün məmulatları üzrə 6,8 faiz, qeyri-qida məhsulları üzrə 3,7 faiz, əhaliyə göstərilmiş ödənişli xidmətlər üzrə 5,7 faiz artıb.

Qeyd edək ki, Azərbaycan neftinin bu günə olan qiyməti 110 dollara yaxın olub. Ümumiyyətlə, son günlər “Azeri Light” (CIF) markalı neftin qiymətində bahalaşma müşahidə olunur. Maraqlıdır, belə olan təqdirdə bahalaşmaya səbəb nədir?

Oxu24.com-un suallarını cavablandıran iqtisadçı Natiq Cəfərli bildirib ki, neftin qiymətinin bahalaşmasının ərzaq məhsullarına aidiyyəti yoxdur:

"Neftin qiyməti bahalaşdıqda Azərbaycana daha çox valyuta gəlir, eyni zamanda dünyada ərzaq daşınması, logistika bahalaşır. Azərbaycan da ərzaqdan asılı bir ölkədir və belə olduğu təqdirdə xaricdən ölkəmizə gətirilən məhsullar təbii olaraq bahalaşır”,-deyə Natiq Cəfərli bildirib.

İqtisadçı qeyd edib ki, ölkəmizdə yerli ət istehsalı azalır, ona görə də ətin qiymətində artım müşahidə edirik:

“Son 5 ildə Azərbaycanda iribuynuzlu heyvan təxminən 300 min azalıb, qoyun və keçi, yəni xırdabuynuzlu heyvanların sayı isə 1.7-1.8 milyon azalıb. Belə azalma olduğu təqdirdə isə təbii ki qiymətlərdə bahalaşma müşahidə olunacaq”,-deyı o,yekunlaşdırıb.

Yeganə

Həmçinin oxuyun