“Qırmızı Ürəklər” Təhsil Təqaüd Proqramının qalibləri donorlarla görüşüb 

Qırmızı Ürəklər Fondu tərəfindən həyata keçirilən “Qırmızı Ürəklər” Təhsil Təqaüd Proqramının qalibləri ilə onlara təhsil yolunda dəstək göstərən donorlar arasında görüş təşkil olunub. Səmimi, səhər yeməyi formatında keçirilən görüşdə donorlar öz həyat və peşəkar karyera təcrübələrini tələbələrlə bölüşərək onlara tövsiyələrini veriblər. Təqaüd proqramının qalibləri isə karyera planları, akademik nailiyyətləri və təhsil fəaliyyətləri barədə məlumat verərək öz suallarını ünvanlayıblar.

Görüşdə Kapital Bank-ın İdarə Heyəti sədrinin müavini, Baş Korporativ Satış İnzibatçısı Fərid Hidayətzadə, İdarə Heyətinin üzvü, Baş Komplayens İnzibatçısı Kamal Abdullayev, eləcə də Birbank Private müştəriləri iştirak ediblər.

Qırmızı Ürəklər Fondunun prezidenti Yusif Poladov iştirakçılara “Qırmızı Ürəklər” Təhsil Təqaüd Proqramı və “Onu Oxut” aksiyası ilə bağlı ətraflı məlumat verərək qeyd edib ki, bu il ilk dəfə olaraq tələbələrə təqaüd aldıqları müddət ərzində donorlar tərəfindən mentor proqramı ilə dəstək olunacaq.

Həmçinin oxuyun

Bu halda işini itirənlər dövlətdən pul alacaq    —   ŞƏRTLƏR VƏ QAYDASI

SON DƏQİQƏ! TƏBİB-ə  rəhbər təyin olundu

Orban getdi, Peter Madyar gəldi: Macarıstanda yeni hakimiyyət Azərbaycanın maraqlarına necə təsir edəcək?  —  TƏHLİL

Nazirlər Kabinetindən yeni QƏRAR:  Sentyabrın 1-dən qüvvəyə minir

Qeyd edək ki, 2024-cü ildən etibarən “Qırmızı Ürəklər” Təhsil Təqaüd Proqramı Qırmızı Ürəklər Fondunun və Təhsilin İnkişafı Fondunun tərəfdaşlığı ilə həyata keçirilir. 2025-2026-cı tədris ili üzrə elan olunan proqrama 995 nəfər müraciət edib, 73 namizəd müsahibə mərhələsinə dəvət olunub və 20 tələbə qalib elan olunub. Təqaüd proqramı çərçivəsində Birbank Private müştərilərinin dəstəyi ilə 10 tələbəyə təqaüd verilir.

“Red Hearts” – Qırmızı Ürəklər Fondu 2020-ci ildə Kapital Bank-ın bir qrup əməkdaşı tərəfindən könüllü qrupu olaraq fəaliyyətə başlamışdır. Həmin ildə dövlət qeydiyyatına alınan Fond ölkəmizdə ianəçilik mədəniyyətinin formalaşmasına xidmət edir. Ətraf mühitin mühafizəsi, ekoloji tarazlığın bərpası, təhsil, təlim-tədris, maarifləndirmə kimi cəmiyyətin həssas və vacib mövzularına dair sosial təşəbbüslərlə çıxış edən “Red Hearts”ın ali məqsədi yardımsevər insanları xeyriyyəçilik mədəniyyəti ətrafında birləşdirməkdir. Qırmızı Ürəklər Fondunun fəaliyyəti ilə ətraflı tanış olmaq və ianə edərək sözügedən mövzularda dəstək olmaq üçün https://redhearts.az saytına daxil ola bilərsiniz.