Mətbuatda  bəzən şəxsin intim  görüntüləri ilə  şantaj  olunması xəbərlərinə rast gəlirik. Xoşagəlməz  hadisələr  çox  vaxt  insanların  hüquqlarını  bilməməsi  və Qanunvericiliyi  zəif  bilməsi  ilə  bağlıdır. Hətta  ölkəmizdə  bir  sıra  məşhurlar  intim  görüntüləri  ilə  medianın gündəmini  zəbt  edib. 

Oxu24.com  əhalini maarifləndirmək  məqsədi ilə maraqlı mövzu hazırlayıb.

Azərbaycanda porno film istehsal etmək və yaymaq hansı  məsuliyyətə səbəb ola bilər?

Mövzu ilə bağlı saytımıza açıqlama  verən  hüquqşünas  Yalçın Hacızadə bildirib ki, belə əməllərin qarşısının  alınması və   törədənlərin  cəzalandırılması  məqsədi  ilə  Cinayət Məcəlləsinin  Xüsusi  hissəsində  müvafiq  maddələr  nəzərdə   tutmuşdur. Həmin əməllərin qurbanları  yetkinlik yaşına çatmayanlar da ola bildiyi üçün qanunverici belə əməllərə qarşı müxtəlif maddələr nəzərdə tutmuşdur.

Belə  maddələrdən biri – Cinayət  Məcəlləsinin Xüsusi  hissəsində  yetkinlik  yaşına çatmayanlara  qarşı və ailə münasibətləri əleyinə olan cinayətlər fəslinə nəzərdə tutulmuş “Uşaq pornoqrafiyasının dövriyyəsi” maddəsidir.

Bu maddə  ölkəmiz 2 aprel 2002-ci ildə “Uşaq hüquqları haqqında” BMT konvensiyasının “Uşaq alverinə, uşaq fahişəliyinə və uşaq pornoqrafiyasına dair” 25 may 2000-ci il tarixli Fakultativ Proqramına qoşulması ilə öz üzərinə götürdüyü öhdəliklərin icrası məqsədi ilə Cinayət Məcəlləsinə 2012-ci ildə əlavə edilmişdir (maddə 171-1). 

Burda “uşaq  pornoqrafiyası” dedikdə, yetkinlik  yaşına  çatmayan şəxsin və ya yetkinlik yaşına çatmayan təsəvvürünü yaradan şəxsin aşkar seksual xarakterli hərəkətlərdə real və ya simulyasiya edilmiş iştirakını əks etdirən, yaxud seksual məqsədlərlə yetkinlik yaşına çatmayanların cinsi orqanlarını əks etdirən istənilən əşyalar və ya materiallar, o cümlədən aşkar seksual hərəkətlərdə iştirak edən yetkinlik yaşına çatmayan şəxsi əks etdirən realistik təsvirlər başa düşülür. 
Bu  əməlin ictimai  təhlükəliliyi  onda ifadə olunur ki, uşaq pornoqrafiyasının dövriyyəsi azyaşlıların, yetkinlik yaşına çatmayanların əxlaqını pozur, onların cinsi istismar alətinə çevrilmələrinə, fahişəliyə cəlb edilməklərinə səbəb olmaqla sosial tarazlığın pozulmasına səbəb olur. 
Digər  isə ictimai  mənəviyyat  əleyhinə  cinayətlər kateqoriyasından olan -  pornoqrafik materialları  və ya əşyaları  yayma və ya  reklam məqsədilə qanunsuz hazırlama, yayma, reklam  etmə, habelə pornoqrafik xarakterli nəşrlər, kino və ya video materiallar, şəkillər və sair əşyalar ilə qanunsuz ticarəti nəzərdə tutan maddədir. 
Belə  əməllərin də törədilməsinin ictimai təhlükəliliyi onların yetkinlik yaşına çatmayanların normal fiziki və psixi inkişafına mənfi təsir göstərməsi ilə izah edilir. Maddənin dizpozisiyasında hərəkətin yalnız qanunsuz olaraq törədilməsinə görə cinayət məsuliyyəti nəzərdə tutulsa da pornoqrafik materialların və ya əşyaların hazırlanması, yayılması, istifadə edilməsinin qanunla tənzimlənən qaydaları da ölkəmizdə müəyyən edilməmişdir. Yəni həmin materialların hazırlanmasında,  yayılmasında şəxsin razılığının olması, razılıq əsasında çəkilməsi yayanı məsuliyyətdən azad etmir. Belə əməllər birbaşa qəsdlə törədilmiş əməllər hesab edilir.
Pornoqrafik materiallar dedikdə, əsas məzmunu cinsi münasibətlərin anatomik və ya fizioloji xüsusiyyətlərinin  kobud naturalist  formada müfəssəl təsvirindən ibarət olan bədi, ədəbi, musiqi, şəkillər, kino və video materiallar olan əşyalardı.
Bu əməldə yayma dedikdə, cinayət predmeti olan materialın digər şəxslərin görməsinə şərait yaratma başa düşülür.
 

Hadisəni törədən təqsirkar şəxsə qarşı müxtəlif cəzalarla yanaşı azadlıqdan məhrum etmə cəzası da nəzərdə tutulur.

Günün təklif olunan videosu: