Azərbaycanda bunu edənləri 25 min manat cərimə GÖZLƏYİR    —   VƏKİL AÇIQLADI

“İşəgötürən  işçini müqaviləsiz işlədirsə, burada işçi də məsuliyyət daşıyırmı?”  - Vəkil aydınlıq gətirir

İşəgötürən və işçi arasında müqavilə bağlanmadan işçi o müəssisədə çalışarsa, bu neçə müddətdən sonra qanun pozuntusu kimi qeydə alınar? 

Bu qanun pozuntusu ilə bağlı əlaqədar orqanlara xəbər verməyən işçi də cəzalandırılırmi?

Məsələ ilə bağlı   Oxu24.com-un suallarını vəkil Ozal Xəlilov  cavablandırıb.

Əmək müqaviləsiz işə buraxma, qanun  pozuntusu olaraq  nə vaxt başlayır və kim məsuliyyət daşıyır? Üstəlik, neçə müddətdən sonra pozuntu sayılır? 

Həmçinin oxuyun

Əhaliyə xəbərdarlıq edildi: Aprelin 19-20-də gözlənilir

Səhər saatlarında faciə: Ölənlər var

19 apreldə bizi nələ gözləyir?   — ULDUZ FALI

Bakıda 556 küçə yuyuldu - FOTOLAR 

Vəkilin sözlərinə görə,burada “gözləmə müddəti” yoxdur. Əmək müqaviləsi tərəflərin gücləndirilmiş elektron imzası ilə imzalandıqdan – son imza tarixindən hüquqi qüvvəyə minir. Deməli, işçi “müqavilə hüquqi qüvvəyə minməmiş” faktiki işə buraxılıbsa, qanun pozuntusu olaraq ilk iş günündən,  yəni, ilk andan başlayır. AR İnzibati Xətalar Məcəlləsinə əsasən Əmək müqaviləsi hüquqi qüvvəyə minmədən işə cəlb etməyə görə cərimə işəgötürənə tətbiq olunur.İşəgötürən fiziki şəxs 1000–2000 manat, vəzifəli şəxs 3000–5000 manat,  hüquqi şəxs 20 000–25 000 manat cərimələnir.  

Vəkil  onu da bildirib ki, əgər əmək müqaviləsiz işlədilən işçilərin sayı 10 və daha çoxdursa, artıq şəxslər inzibati məsuliyyətə deyil, vəzifəli şəxslər AR Cinayət Məcəlləsinə əsasən cinayət məsuliyyətinə cəlb olunurlar.

"Onlar yeddi min manatdan on min manatadək miqdarda cərimə və ya iki ilədək müddətə islah işləri və ya iki ilədək müddətə azadlığın məhdudlaşdırılması və ya iki ilədək müddətə azadlıqdan məhrumetmə ilə cəzalandırıla bilərlər.

 Bu əmələ görə, AR Vergi Məcəlləsində maliyyə sanksiyası da nəzərdə tutulub. Belə ki, əmək müqaviləsi hüquqi qüvvəyə minmədən işçi işə cəlb olunmaqla gəlirin gizlədilməsinə/azaldılmasına şərait yaradılıbsa, hər bir işçi üzrə təqvim ili ərzində  birinci dəfə 2000 manat,  ikinci dəfə 4000 manat, üç və daha çox dəfə: 6000 manat maliyyə sanksiyası tətbiq edilir.

 2) İşçi xəbər verməsə, özü cəzalanır? Bu pozuntuya görə (müqaviləsiz işə buraxma) qanunvericilikdə sanksiya mexanizmi əsasən işəgötürəni hədəfləyir; “xəbər vermədi” deyə işçi üçün ayrıca inzibati cəza məntiqi bu maddələrdə nəzərdə tutulmur. Praktik risk isə başqadır: müqaviləsizlik işçinin sosial sığorta, staj, məzuniyyət, əməkhaqqının sübutu kimi hüquqlarını çətinləşdirir” -deyə  Ozal Xəlilov vurğulayıb.

 Əntiqə Rəşid