Rəqsanə nə üçün ev dustağı oldu? - Vəkildən AÇIQLAMA 

Ev dustaqlığı qətimkan tədbiri kimlər barədə seçilə bilər?

Oxu24.com xəbər verir  ki,müğənni Rəqsanə İsmayılova Sabunçu Rayon Məhkəməsinin qərarı ilə ev dustaqlığına buraxılıb.

Rəqsanə İsmayılova vətəndaşların 35 000 manat dəyərində qızıl-zinət əşyalarını və 520 000 ABŞ dolları məbləğində pulunu dələduzluq yolu ilə ələ keçirməkdə ittiham olunur.

Qeyd edək ki,Sabunçu Rayon Polis İdarəsində Cinayət Məcəlləsinin xüsusilə külli miqdarda ziyan vurmaqla dələduzluq etmə maddəsi ilə cinayət işi başlanılıb və R.İsmayılova təqsirləndirilən qismində saxlanılaraq istintaqa cəlb olunub. Onun barəsində məhkəmənin qərarı ilə 4 ay müddətində həbs qətimkan tədbiri seçilmişdi.

Ev dustaqlığı qətimkan tədbiri nə deməkdir?

Ümumiyyətlə məhkəmələr tərtəfindən bu növ məhdudiyyətlər kimlər barədə və nə zaman seçilir?

Həmçinin oxuyun

İcra başçıları KÜTLƏVİ ixtisarlara başladı – Vəzifələr niyə ləğv edilir?

Azərbaycanda iki tələbənin MEYİTİ TAPILDI

Bu şəxslərə vergi güzəşti olacaq - SİYAHI

Yanvarın 15-də bizi nələr GÖZLƏYİR? - BÜRCLƏR 

Azərbaycan Vəkillər Kollegiyasının İntizam Komissiyasının üzvü,tanınmış vəkil Ruslan Vəliyev mövzu ilə bağlı  Oxu24.com   saytının suallarını cavablandırıb.

“Cinayət Prosessual Məcəllənin 163-cü bəndində ev dustaqlığı barədə bildirilib ki, ev dustaqlığı qətimkan tədbiri qismində təqsirləndirilən şəxsi həbsdə saxlamadan və cəmiyyətdən tam təcrid etmədən, lakin məhkəmənin qərarı ilə müəyyən edilmiş azadlıq və digər bir sıra hüquqlara məhdudiyyətlər qoyulmasından ibarətdir. Bundan başqa, ev dustaqlığının qətimkan tədbiri qismində seçilməsi məsələsinə məhkəmə tərəfindən yalnız müdafiə tərəfinin vəsatəti əsasında həbs-qətimkan tədbirinin seçilməsi haqqında qəbul olunmuş qərarın əvəz edilməsi kimi baxıla bilər.

Həbslə bağlı hallar mövcud olmadıqda,məsələn,şəxsin qaçıb gizlənmək ehtimalı yoxdursa,əgər hər hansı bir formada istintaqa,cinayət prosesinin iştirakçılarına,zərərçəkmişlərə,şahidlərə və digər şəxslərə təsiri yoxdursa,onun istintaqdan qaçıb yayınması ehtimalı mövcud deyilsə,o cümlədən azadlıqda qalması istintaqın gedişinə hər hansı mənfi bir təsir göstərmirsə,təqsirkar barədə ev dustaqlığı qətimkan tədbirinin seçilməsi mümkündür”,- deyə vəkil Ruslan Vəliyev bildirib.

Miri Məcidli