Müğənnilər bu sözlərinə görə həbs oluna bilərmi? - VƏKİLDƏN AÇIQLAMA

Müğənni Nura Surinin Mədəniyyət Nazirliyinin əməkdaşı Mənzər Nurəliyeva barəsində səsləndirdiyi rüşvət iddiaları cəmiyyətdə müzakirələrə səbəb olub.Bu,müzakirələrə digər müğənni Almaxanım Əhmədli də qoşuldu. O,da iddiasında  Mənzər Nurəliyevanı hədəf aldı.

Oxu24.com məsələnin hüquqi tərəflərinə nəzər salıb.Müğənnilərin bu iddiaları hüquqi məsuliyyət yaradırmı?

Mövzu  ilə bağlı Oxu24.com-a danışan  vəkil  Esmira  Rzayeva  bildirib ki,Mənzər Nurəliyeva ilə Nura Suri arasında yaranmış vəziyyət ictimai müzakirələrin mövzusuna çevrilmiş narazılıq və iddialar toplusudur. Vəkilin sözlərinə görə,bu kimi hallarda əsas prinsip ondan ibarətdir ki, tərəflər arasında səsləndirilən ittihamlar yalnız rəsmi araşdırma aparıldıqdan sonra hüquqi mahiyyət kəsb edə bilər.

Vəkil qeyd edir ki, xüsusilə rüşvət, vəzifə səlahiyyətlərindən sui-istifadə və digər korrupsiya iddiaları yalnız sübutlarla təsdiqləndikdə hüquqi nəticə doğurur. Sosial şəbəkələrdə səsləndirilən fikirlər və ittihamlar hüquqi baxımdan sübut sayılmır və yalnız rəsmi araşdırma nəticələri ilə təsdiqlənərsə nəzərə alınır.

Azərbaycan Respublikası Cinayət Məcəlləsinin 311-ci maddəsinə görə, rüşvət cinayət hesab olunur və yalnız sübutlarla təsdiqləndikdə məsuliyyət yaradır. Sosial şəbəkələrdə deyilənlər hüquqi sübut hesab edilməz.

Rüşvət ümumilikdə vəzifəli şəxsin hər hansı xidməti, qərarı və ya səlahiyyəti qarşılığında maddi və ya qeyri-maddi fayda alması və ya tələb etməsi kimi başa düşülür. Əgər bu kimi iddialar əsassızdırsa, onların səsləndirilməsi böhtan, şərəf və ləyaqətin alçaldılması kimi qiymətləndirilə bilər. Mülki Məcəllə və Cinayət Məcəlləsinin 147 və 148-ci maddələrinə əsasən, sübutsuz, faktla təsdiqlənməyən rüşvət kimi ağır ittihamların səsləndirilməsi böhtan sayılır. Cinayət işi başlanmadan, ekspertiza aparılmadan, ifadələr alınmadan rüşvət faktı təsdiqlənmiş hesab edilmir. Bu halda ad çəkilən şəxs öz hüquqlarını müdafiə etmək üçün məhkəməyə müraciət etmək imkanına malikdir.

Vəkil Esmira Rzayevanın bildirdiyinə görə,hazırda tərəflər arasında mübahisə yalnız ictimai iddialar səviyyəsindədir.

Həmçinin oxuyun

Şəhid anası yanğında dünyasını dəyişdi

Təcili! Milli Məclis bu qərarları qəbul etdi

Pensiyalar nə qədər artırılacaq? - Millət vəkili 

Yanğında həlak olan ana və 2 övladı...

Araşdırma tamamlanmadan tərəflər barədə yekun fikir formalaşdırmaq düzgün deyil.

Bu prosesdə həm iddia səsləndirən şəxsin, həm də adı çəkilən şəxsin hüquqları qorunmalıdır.

Hadisənin mahiyyəti və real vəziyyət yalnız rəsmi açıqlama və araşdırmanın nəticəsi ilə dəqiqləşəcək.

Yekun olaraq, mövzu hazırda ictimai iddialar çərçivəsində qalır. Rüşvət yalnız sübut və araşdırma əsasında hüquqi nəticə doğurur, əsassız ittihamlar isə hüquqi məsuliyyət yarada bilər. Buna görə bütün tərəflər üçün neytral, balanslı və gözləmə mövqeyi sərgiləmək ən düzgün yanaşmadır.

Hazırladı: Miri Məcidli