4 vəkilə xəbərdarlıq edilib

Mart ayının 13-də Azərbaycan Respublikasının Vəkillər Kollegiyası (ARVK) Rəyasət Heyətinin növbəti iclası keçirilib.

İclasda çıxış edən ARVK-nın sədri Anar Bağırov Rəyasət Heyətinin cari fəaliyyəti barədə məlumat verib.

Sonra iclas gündəliyinə uyğun olaraq vəkilliyə qəbulla bağlı ixtisas imtahanlarını, icbari təlimi, habelə ixtisas imtahanının şifahi müsahibə mərhələsini uğurla başa vuran vəkilliyə namizədlərin andiçmə mərasimi keçirilib, onlara vəsiqə təqdim edilərək gələcək fəaliyyətlərində uğurlar arzulanıb.

Eyni zamanda iclasda bəzi vəkillərin digər vəkil qurumlarına keçməsi, vəkillik fəaliyyətinə öz arzusu ilə xitam verilməsi və müəyyən müddətdə üzvlük haqqından azad olunması ilə bağlı müraciətlərinə baxılaraq müvafiq qərarlar çıxarılıb. 

Bundan başqa, “Vəkillər Kollegiyasının “Konstitusiya və Suverenlik İli” çərçivəsində Tədbirlər Planı” təsdiq edilib, o cümlədən “Vəkillik fəaliyyəti” adlı kitabın müzakirəsi və dərslik kimi təsdiq edilməsi məsələsinə baxılaraq müvafiq qərar qəbul edilib.

Həmçinin oxuyun

Kartdakı pullarınızı dələduzlardan qorumağın yolları bunlardır   —  Mütəxəssidən  vətəndaşlara  vacib  məlumat

Bu virusa yoluxanlar ömrü boyu dərman içirlər   —   İİV(QİCS) xəstələrini müalicə edən həkimlə  MÜSAHİBƏ 

Vətəndaş  nələri sığorta etdirə bilər?  —  Ekspert mühüm məqamları açıqladı 

Prezident təyinatlar etdi 

Həmçinin iclasda “Philip C. Jessup” Beynəlxalq Məhkəmə Müsabiqəsində iştirak edəcək tələbələrə maliyyə dəstəyinin verilməsi ilə bağlı ADA Universiteti və Bakı Dövlət Universitetinin Hüquq fakültələrinin müraciətlərinə baxılıb. Müvafiq maliyyə dəstəyin göstərilməsi ilə bağlı Rəyasət Heyəti tərəfindən müsbət qərar qəbul olunub. 

Daha sonra iclasda “Hüquq mühafizə orqanları və vəkil peşələri arasında etik məsələlər üzrə əməkdaşlığa dair” İşçi Qrupunun yaradılması və vəkil üzvlərinin təyin edilməsi ilə bağlı Deontologiya Komitəsindən daxil olan müraciətə baxılıb. Rəyasət Heyəti tərəfindən "Hüquq mühafizə orqanları ilə etik davranış qaydaları üzrə əməkdaşlığa dair" və "Məhkəmə orqanları ilə etik davranış qaydaları üzrə əməkdaşlığa dair" İşçi Qruplarının yaradılması qərara alınıb.

İclasın davamında Vəkillərin İntizam Komissiyasının rəylərinə baxılıb və Rəyasət Heyəti tərəfindən yol verdikləri intizam pozuntularına görə 4 vəkilə xəbərdarlıq edilib, 2 vəkilə isə töhmət verilib.

Sonda Kollegiyanın fəaliyyəti ilə əlaqədar əhəmiyyət kəsb edən sair məsələlərə baxılıb.