DİQQƏT: Əsgərlərə bu telefonlardan istifadəyə icazə veriləcək

HƏRBİ

622

03.02.2026, 21:19

Orduda təhlükəsizlik və məxfilik tələblərinin gücləndirilməsi fonunda əsgərlərin mobil telefon istifadəsi məsələsi yenidən gündəmə gəlib. Şəxsi smartfonların qadağan olunması, əvəzində isə nəzarətli və məhdud rabitə vasitələrinin tətbiqi mümkün variant kimi müzakirə olunur. Maraqlıdır, bu model Azərbaycan Ordusunda reallaşa bilərmi?

Oxu24.com mövzu ilə bağlı KONKRET.az-a açıqlama verən hərbi ekspert, polkovnik Rövşən Məhərrəmov bildirib ki, dünya praktikasında bu model artıq bir çox ölkələrdə tətbiq olunur. Onun sözlərinə görə, xüsusilə Türkiyə Silahlı Qüvvələrində hərbi hissələrdə və ali hərbi məktəblərdə taksafonlardan geniş istifadə olunur.

“Azərbaycanda da bu istiqamətdə müəyyən addımlar atılıb. Hazırda bəzi ali hərbi məktəblərdə taksafonlar quraşdırılıb və kursantlar həmin vasitələrdən istifadə edirlər. Gələcəkdə isə bu sistemin bütün hərbi hissələrdə və ali hərbi təhsil müəssisələrində tətbiq olunması nəzərdə tutulur”.

Polkovnik Rövşən Məhərrəmov: "Ali Baş Komandanın bir əmri kifayətdir ki..."

Rövşən Məhərrəmov vurğulayıb ki, hərbi qurumlarda smartfon və şəxsi mobil telefonlardan istifadəyə yol verilməməlidir:

Həmçinin oxuyun

TƏCİLİ! AMEA-dan açıqlama: Ramiz Mehdiyevin...

Bu rayonlara qar yağır

Nazirlər Kabineti yeni QƏRAR VERDİ

Müşfiq Abbasov bu məşhurun yeznəsi İMİŞ — DETALLAR

“Əsgərlər xidmətə çağırılarkən xüsusi kartlarla təmin oluna bilər və həmin kartlar vasitəsilə taksafonlardan istifadə edəcəklər. Bu zaman bütün danışıqlar nəzarətdə saxlanılmalı, məxfilik rejimi ciddi şəkildə qorunmalıdır”.

Polkovnik əlavə edib ki, komandirlər və digər vəzifəli şəxslər tərəfindən əsgərlər arasında məxfilik qaydalarına əməl olunması ilə bağlı maarifləndirici tədbirlər də aparılmalıdır.

Onun sözlərinə görə, oxşar təcrübə digər ölkələrin ordularında da mövcuddur və xüsusilə Türkiyədə əsgərlərə paylanan xüsusi kartlar vasitəsilə nəzarətli telefon əlaqəsi təmin edilir.