Türkiyə Eskişehirdə 9 günlük həyat yoldaşı Yunis Birqollunu ürəyindən bıçaqlayaraq öldürdüyü iddiasıyla həbs olunan Semra Birqollunun mühakimə olunmasına başlanıb.

Oxu24.com   türk mediasına istinadən xəbər verir ki, Semra Birqollu məhkəmədəki müdafiəsində "məni çox qısqanırdı, evdə mübahisə edərkən qorxutmaq üçün bıçağı atdım, ürəyinə sancdı" deyib.

Hadisə 4 sentyabr 2018-ci il tarixində Şirintepe Məhəlləsində baş verib. Bıçaqla ağır yaralanan Yunis Birqollu 112 sanitar maşını ilə Eskişehir Yunus Əmrə Dövlət Xəstəxanasına aparılıb. Burada müalicə olunan Birqollu polislərə verdiyi ilkin ifadədə qəza nəticəsində bıçağın üzərinə düşdüyünü deyib. Vəziyyətdən şübhələnən Polis İdarəsi Asayiş Şöbəsinin əməkdaşalrı Semra Birqollunu sorğuya alıb.

Məhkəmə heyəti məhkəmə işindəki nöqsanların aradan qaldırılması üçün məhkəmə iclasını 28 mart 2019-cu il tarixinə təxirə salıb.

Yunus Birqollunun atası Yaqub Birqollu, anası Fatma Birqollu ədliyyə çıxışında Semra Birqollunun ən ağır şəkildə cəzalandırılmasını istədiklərini deyib.



Oxu24.com