İsrailli dərman firması bir il içində Xərçəng xəstələrini tamamilə sağaldacaq dərman hazırlayacağını iddia edib.

Oxu24 bildirir ki, son illər bəşəriyyətin ən böyük bəlasına çevrilən Xərçəng xəstəliyinin müalicəsi ilə bağlı araşdırmalar davam edir. Xəstəlik hər kəsdə fərqli şəkildə inkişaf etdiyi üçün onun müalicəsini tapmaq hər gün bir az daha çətinləşir.
İsrailin Sürətləndirilmiş Təkamül Biotexnologiya (Accelerated Evolution Biotechnologies) adlı dərman şirkətinin direktoru Dan Aridorun açıqlamasına görə, üzərində çalışılan dərman pereparatı inqilab yaradacaq.
“Bizim müalicə metodumuz ilk gündən etibarən xərçəng xəstələrinə öz təsirini göstərəcək. Müalicə bir neçə həftə davam edəcək və əks təsiri olmayacaq. Üstəlik, yeni müalicə metodu hazırda tədbiq olunanlardan daha ucuz başa gələcək” – deyə direktor açıqlamasında bildirib.

Dərman firmasının yeni müalicə metodu MuTaTo adlanır. Söz “Multi-Target Toxin” qısaldılmasından yaradılıb. MuTaTo konkret Xərçəng hüceyrələri birləşmələrinə hücum edərək müalicənin uğurlu nəticələnməsinə şərait yaradır. Hətta tez-tez mutasiyaya məruz qalan Xərçəng hüceyrələrinə belə təsiri planlaşdırılır.
Həmin dərman şirkətinin SEO-su İlan Moradın iddialarına görə, siçanlar üzərində aparılan araşdırmalar müsbət nəticələrini verib. Belə ki, müalicə nəticəsində sağlam hüceyrələrə zərər gəlmədən Xərçəng hüceyrələrinin qarşısı alınıb. Prosedur uğurla davam edərsə, dərman preparatı bir neçə il müddətində bazara çıxarılacaq.

Hələ ki, səsləndirilən iddialarla bağlı heç bir tibb müəsisəsi məqalə dərc etməyib. Amma firma dediklərini təsdiq edərsə, tibb tarixində inqilab olacaq. Oxu24.com