SENSASSİYA! Bu müğənnilər xarici kəşfiyyata işləyirmiş - ADLAR

Müğənni Alla Puqaçova Qərb ölkələrinin xüsusi xidmət orqanları ilə əməkdaşlıq edir.

 

Oxu24.com Rusiya mətbuatına istinadən xəbər verir ki, bunu təhlükəsizlik və korrupsiya ilə mübarizə üzrə federal layihənin rəhbəri Vitali Borodin Rusiya telekanallarının birində "Görüş yeri" proqramının efirində deyib.

O, xüsusi xidmət orqanları ilə əməkdaşlıq edən digər rusiyalı məşhurların da adlarını çəkib.

 

Borodin rep sənətçisi Morgenstern və videobloqer Yuri Dudyanın adını çəkib. "Bizdə olan məlumata görə, bu  məşhurlar Qərb kəşfiyyat orqanlarında işləyirlər" deyə Vitali Borodin bildirib.

 

Borodin qeyd edib ki, o, “Puqaçovanın Qərb ölkələri ilə əlaqəsini” təsdiq edən rəsmi sənədlərin ortaya çıxmasını gözləyir.

“Bir az gözləyin, biz sizə Alla Puqaçova,Morqenştern və Dudun  kiminlə əməkdaşlıq etdiyi bütün həqiqəti deyəcəyik. Bu adamlar bütün bu illər ərzində Rusiyada kimlər işlədiblər və niyə məhz ölkəmiz üçün çətin məqamda qaçıblar? Ümid edirəm ki, hamınız bunun bir səbəbə görə deyildiyini anlayırsınız”, - Borodin bildirib.

 

Tərcümə: Miri Məcidli