Ermənistanda COVID-19 xəstələrinə qoşulan süni tənəffüs aparatları üçün kifayət qədər oksigen yoxdur.

Publika.az xəbər verir ki, bunu ölkənin səhiyyə naziri Arsen Torosyan parlamentdəki jurnalistlərə açıqlamasında deyib.

O bildirib ki, ağır, o cümlədən sıxlıq səbəbindən xəstəxanalara yerləşdirilə bilməyərək evdə müalicə alan xəstələr bu aparatlara çox ehtiyac duyurlar.

Bundan başqa, sürətlə artan koronavirus xəstələrini yerləşdirmək üçün xəstəxana qalmadığından, idman və konsert kompleksi kimi böyük müəssisə və salonlar xəstəxanaya çevriləcək.

Qeyd edək ki, Ermənistanda mart ayının əvvəlindən etibarən COVID-19-a yoluxma sayı 107 466-ya çatıb. Hazırda ölkədə 40 min 569 aktiv koronavirus xəstəsi var.