İzmir zəlzələsi nəticəsində ölənlərin sayı 12-yə, yaralananların sayı isə 438-ə çatıb.

19:52

İzmirdə zəlzələ nəticəsində həlak olanların sayı 6 nəfərə, yaralananların sayı 202 nəfərə çatıb

Oxu24.com xəbər verir ki, zəlzələ bölgəsində axtarış-xilasetmə işləri davam etdirilir. Dağıntılar altından indiyədək 70 nəfər sağ olaraq çıxarılıb.

***

18:32

İzmirdə baş verən zəlzələdə yaralananların sayının artdığı bildirilib.

Oxu24.com Türkiyə mətbuatına istinadən xəbər verir ki, dağıntılar altından 70 nəfər çıxarılıb.152 nəfər yaralanıb.4 nəfər vəfat edib. Hal-hazırda dağılan 12 binada xilasetmə işləri davam etdirilir.

***

17:59
İzmirdə zəlzələdən sonra zamana qarşı yarış başlayıb.

Oxu24.com Türkiyə mətbuatına istinadən xəbər verir ki, hal-hazırda şəhərdə xilasetmə işləri davam etdirilir. Aidiyyəti qurumlarla yanaşı sadə vətəndaşlar da xilasetmə əməliyyatlarında iştirak edirlər. Məlumata görə, 4 nəfər dağıntılar altından yaralı halda çıxarılıb. 4 nəfər həlak olub, 120 nəfər yaralanıb.

***

 16:47
İzmirdə baş verən zəlzələ nəticəsində dağılan binaların sayının 20 olduğu bildirilib. 

 Türkiyə mətbuatına istinadən xəbər verir ki, bunu İzmirin bələdiyyə başqanı Tunç Soyer deyib.

Bildirilib ki, Egey dənizində suyun səviyyəsi qalxıb və ətraf əraziləri su basıb, insan itkisinin olması da istisna edilmir.

***

16:31
İzmir şəhərində baş verən zəlzələ nəticəsində 6 yaşayış binası dağılıb.

Oxu24.com xəbər verir ki, dağılan binalar şəhərdə toz dumana səbəb olub.

6:26
Xəbər verdiyimiz kimi, Türkiyədə 6,6 bal gücündə zəlzələ olub.

Oxu24.com Türkiyə mətbuatəna istinadən xəbər verir ki, yeraltı təkanlar İstanbulda, İzmirin Seferihisar rayonunda, həmçinin, Ege və Mərmərə bölgəsində hiss olunub.

İlkin məlumatlara görə, dağıntılar var.