Məşhur rusiyalı müğənni Alla Puqaçevanın komediya ustası və teleaparıcı olan, özündən 27 yaş kiçik həyat yoldaşı Maksim Qalkindən ayrıldığı barədə yayılan şayiələrə aydınlıq gətirilib.

Oxu24.com-un lenta.ru-ya istinadən verdiyi xəbərə görə, bu barədə "Daily Storm" yazır.

Belə ki, Puqaçovanın konsert direktoru Yelena Çuprakova sayiələrə münasibət bildirərək, bu sözlərin yalan olduğunu deyib:

"Belə bir şey olmayıb və yoxdur".

Qeyd edək ki, son zamanlar müğənninin həyat yoldaşından ayrıldığı, Qalkinin də Puqaçovaya soyuq və laqeyd münasibət göstərdiyi barədə məlumatlar yayılmışdı.

Puqaçova özündən 27 yaş kiçik Qalkindən boşanır?

Xatırladaq ki, Alla Puqaçova və Maksim Qalkin 2011-ci ildə ailə qurublar. Cütlüyün Liza və Harri adında iki əkiz övladı var. Bu, Qalkinin ilk, Puqaçovanın isə artıq 5-ci evliliyidir.