Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan telefon danışığı zamanı Suriyanın İdlibindəki vəziyyəti müzakirə ediblər.

Oxu24.com   xəbər verir ki, bu haqda məlumatı TASS agentliyinə Rusiya xarici işlər naziri Sergey Lavrov söyləyib.

Prezidentlər yaxın gələcəkdə bu və ya digər səviyyədə görüş ehtimalından danışıblar.

Dünən Suriya ordusu İdlibdəki Behun qəsəbəsi ərazisinə hava zərbəsi endirib. Nəticədə 33 türk əsgəri ölüb.

Türkiyənin hakim Ədalət və İnkişaf Partiyası hadisəni NATO-ya qarşı hücum adlandırıb və bu məsələdə Şimali Atlantika Alyansı ilə məsləhətləşmələrin vacibliyini elan edib.

Rusiya Müdafiə Nazirliyi bəyan edib ki, Türkiyə ordusunun hərbçiləri suriyalı yaraqlılarla birgə döyüş birləşmələrində olduğundan Suriya ordusunun atəşi ilə üzləşiblər.