Regionda gərginlik son həddə çatdı: Çin "oyuna" girdi

ABŞ ilə İran arasında gərginlik davam edir.

 

APA TV-nin “Reuters”ə istinadən məlumatına görə, İran ordusu döyüş vəziyyətinə gətirilib, bundan əlavə nüvə başlıqlı raketlərin də hazır vəziyyətdə olduğu bildirilir.

 

ABŞ-ın məxfi yüksək çinli mənbələri də xəbəri təsdiqləyir.

 

“Görünən odur ki, yüksək hazırlıq vəziyyətindədirlər. Bunun döyüş hazırlığı, yoxsa müdafiə xarakteri daşıdığı məlum deyil” - deyə, mənbə qeyd edir.

 

ABŞ öz növbəsində prosesi diqqətlə izləyir. Dövlət katibi Mayk Pompeo bildirib ki, Tehrandan gələ biləcək istənilən reaksiyaya hazırdırlar:  “Biz mümkün cavaba hazırlaşırıq. 

Kibertəhlükəsizlik sistemlərimizi qorumaq və saxlamaq üçün addımlar atırıq. Bölgədəki diplomatlar onlara hücum olunacağı təqdirdə müdafiə olunmaq üçün tədbirlə görür”. 

 

Bu arada Çin ABŞ-ı Yaxın Şərqdə hərbi güc tətbiq etməməyə çağırıb.

 

Adı çəkilən ölkənin Xarici İşlər Nazirliyi bəyanat yayıb: "ABŞ-ı və müvafiq tərəfləri güc tətbiq etməməyə, eskalasiyanın daha da artmaması və toqquşmanın intensivləşməsinin qarşısını almaq üçün təmkinli olmağa çağırırıq. Dialoq və məsləhətləşmələrin aparılması istiqamətində tədbirlər görmək vacibdir. Yaxın Şərq və Körfəz regionunda sülh və sabitliyin qorunması bütün dünya üçün vacibdir. Çin beynəlxalq münasibətlərdə hərbi gücün tətbiqinə qarşıdır".