Qaynar xətt:

(+99450) 247 90 86

Tanju Özcan cinsi təcavüz işi üzrə azadlığa buraxılıb  

Tanju Özcan cinsi təcavüz işi üzrə azadlığa buraxılıb  

DÜNYA

171

29.06.2026, 23:01

Bolu Bələdiyyə sədrliyi vəzifəsindən uzaqlaşdırılan və həbsdə olan Tanju Özcan barəsində “vəzifə səlahiyyətlərindən istifadə etməklə törədildiyi iddia olunan ağırlaşdırılmış” işi üzrə həbs qətimkan tədbiri ləğv edilib.

Oxu24.com CNN Türk”ə istinadən xəbər verir ki, Bolu Bələdiyyəsinin əməkdaşı Öznur Ç. prokurorluğa müraciət edərək Özcan haqqında yeni iddialar irəli sürüb. Şikayətçi işdən çıxarılmaq qorxusu səbəbindən uzun müddət baş verənlər barədə danışmadığını bildirib.

Bu ifadələrdən sonra Özcan barəsində yeni cinayət işi açılıb və o, sözügedən ittiham üzrə həbs olunub. Müdafiə tərəfinin etirazına baxan məhkəmə isə iş materiallarında kifayət qədər maddi sübutun, tərəfsiz şahid ifadələrinin və güclü cinayət şübhəsini təsdiqləyən dəlillərin olmadığını əsas gətirərək həmin ittiham üzrə həbs qərarını ləğv edib.

Məhkəmə qərarında tərəflər arasında əvvəldən hüquqi mübahisələrin və qarşılıqlı ittihamların mövcud olduğu, yalnız zərərçəkmişin ifadəsinin məhkumluq və ya həbs üçün yetərli sayıla bilməyəcəyi vurğulanıb. Qərarda həmçinin həbsin istisna xarakterli tədbir olduğu və şəxslərin “ləkələnməmək hüququnun” hüquq dövlətinin əsas prinsiplərindən biri olduğu qeyd edilib.

Bununla belə, Tanju Özcanın “məcburetmə yolu ilə irtikab” ittihamı üzrə başqa bir cinayət işi çərçivəsində həbsdə qalmağa davam etdiyi bildirilib.