"Netanyahunun yerini bilirik" - İranlı general

$\"Netanyahunun yerini bilirik\" - İranlı general$

DÜNYA

604

03.03.2026, 20:23

"Biz Netanyahunun görüşlərinin yerini bilirik".

Oxu24.com xəbər verir ki, bunu İran Silahlı Qüvvələrin Ali Komandanının Ali Məsləhətçisi general-mayor Seyid Yəhya Rəhim Səfəvi deyib.

"Mənim siyasi təhlilim budur ki, Tramp Netanyahunun əlində oyuncağa çevrilib. Yəni o, Amerikanı sionist rejimi üçün qurban verir. Bir çox amerikalı siyasətçi də vergi ödəyicilərinin pullarının və Amerika əsgərlərinin həyatının niyə Netanyahu və sionist rejimi üçün qurban verilməli olduğunu deyir.

Görüşlərində yalan məlumat və qiymətləndirmələr təqdim edən Netanyahu idi. Onlar düşünürdülər ki, İran İslam Respublikası 12 günlük müharibədən sonra zəifləyib, biz isə on dəfələrlə güclənmişik".

Həmçinin oxuyun

Tahir Gözəl festivalda ona çay verənə 50 manat bəxşiş verdi - Video

Asif Nəsirliyə qumbara atan şəxsin görüntüləri yayıldı – İLK DƏFƏ

DİN açıqlama yaydı: 200 nəfər SAXLANILIB

Saat 10:00-dan 12:00-dək işıq olmayacaq – BU ƏRAZİLƏRDƏ

General televiziya vasitəsi ilə xalqa müraciətində deyib ki, İran Tramp və Netanyahunu qlobal təhlükəsizlik və müsəlmanlar üçün mütləq şər hesab edir: "Biz onların aldatmacalarını və yalanlarını bilirdik, amma ölkəmizin siyasəti dünyaya və ölkəmizdəki insanlara sülh və dialoq xalqı olduğumuzu demək idi. Diplomatiya ilə eyni vaxtda müdafiə gücünü, xüsusən də raket və pilotsuz təyyarələrin hücum gücünü on dəfələrlə artırdıq.

İslam Respublikasının kəşfiyyat strukturu, o cümlədən Kəşfiyyat Nazirliyi və digər kəşfiyyat təşkilatları düşmənin İran ətrafındakı məqsədləri, eləcə də ABŞ və İsrailin məqsədləri üzərində tam nəzarətə malikdir. Hətta Netanyahunun görüşlərinin yerini də bilirik və məlumat bazamız tamamlanıb".

Səfəvi amerikalıların hücumu səhv strateji qiymətləndirmə ilə başlatdıqlarını, heç bir məqsədlərinə çatmayacaqlarını vurğulayıb: "Onların elan etdikləri məqsədlər İran İslam Respublikasını devirmək və İranı parçalamaq, zəiflətmək və təslim etmək idi ki, Tramp və Netanyahu nə desə də, İran qəbul etsin. Onlar İranı Şah dövrünə qaytarmaq və bölgənin neft və iqtisadiyyatına hakim olmaq istəyirlər".Redaktor.az