Müğənnilərə maaş veriləcək 

İrlandiya hökuməti ölkədəki sənətçilərə işlərini dəstəkləmək üçün həftədə 325 avro ödəməyi planlaşdırır. 

 Oxu24.com xəbər verir ki, "İncəsənət üçün Əsas Gəlir" (BIA) adlanan proqramın dünyada öz növündə ilk olduğu bildirilir. Mədəniyyət naziri Patrik O'Donovan bildirib ki, proqram İrlandiyanı sənətçilərə dəstək siyasətində qlobal lider kimi təqdim edir. May ayında başlayacaq müraciətlərdən sonra təxminən 2000 sənətçi seçiləcək və üç il ərzində müntəzəm maaş alacaq.

Proqram Covid-19 pandemiyası dövründə incəsənət və mədəniyyət sektorunun bərpasına töhfə vermək üçün 2022-ci ildə başladılan pilot layihəni daimi hala gətirməklə həyata keçirilir. (Mənbə - BBC) 

Layihə hazırda pilot mərhələsindədir.

O'Donovan pilot proqrama qoyulan hər avronun öz bəhrəsini verdiyini və sənətçilərə işlərinə daha çox vaxt ayırmağa və həyat səviyyələrini yaxşılaşdırmağa imkan verdiyini qeyd edib.

Nazir layihənin daimi hala gətirildikdən sonra seçilmiş sənətçilər üçün əhəmiyyətli bir dönüş nöqtəsi" olduğunu və müğənnilərə sənət sahəsində karyeralarını və fəaliyyətlərini davam etdirməyə imkan verdiyini vurğulayıb.

Həmçinin oxuyun

Nazirlər Kabinetidən MÜHÜM QƏRAR: Bu qayda dəyişdi

Kredit borcu olanların NƏZƏRİNƏ

Hakan Fidan Əraqçiyə xəbərdarlıq etdi

Ərdoğanın administrasiyasından İrana SƏRT REAKSİYA: "Cavab veriləcək!"

Nazir pilot proqramın iştirakçılara müsbət təsir göstərdiyini, eyni zamanda sektorda geniş yayılmış gəlir qeyri-sabitliyini aşkar etdiyini qeyd edərək müraciətlərin qəbul edilməsinə çağırıb.

Bəs sistem necə işləyəcək?

İrlandiya Mədəniyyət Nazirliyi proqrama qəbul ediləcək 2000 nəfərin bütün namizədlər üçün bərabər imkanlar təmin etmək üçün püşkatma yolu ilə seçiləcəyini açıqladyıb. Ərizə prosesinə dair ətraflı təlimat aprel ayında dərc olunacaq.

Tələblərə müraciət zamanı İrlandiyada yaşamaq, yaradıcılığa malik peşəkar sənətkar olmaq və əsasən işlərini İrlandiyada aparmaq daxildir.

Nazirlik çox sayda müraciət gözlədiklərini və bütün uyğun namizədlərin dəstəklənməyəcəyini bildirib və əlavə edib ki, 2026-cı ildə seçilməyənlər 2029-cu ildə növbəti proqrama müraciət edə bilərlər.sfera.az