Bu ölkə Rusiya ilə müharibəyə başlayır? - AÇIQLAMA

Böyük Britaniya silahlı qüvvələri ölkə ərazisindəki xüsusi poliqonlarda Rusiya ilə potensial silahlı münaqişə ssenariləri üzrə intensiv hazırlıqlara başlayıb. Təlimlər üçün Ukraynadakı döyüş meydanlarını xatırladan, dağıdılmış kiçik bir şəhər mənzərəsi simulyasiya edilib. Ümumiyyətlə Britaniya son zamanlar Rusiya ilə müharibə ehtimalından çox narahat görünür və bu istiqamətdə müəyyən addımlar atır. 

Böyük Britaniyanın qorxusu reallığa çevrilə bilərmi və nəyə əsaslanır? Bu təlimlər sadəcə mesaj xarakteri daşıyır, yoxsa doğrudan da müharibəyə hazırlıq gedir?

 Oxu24.com xeber verirk ki, bununla bağlı Sfera.az-a fikirlərini bildirən siyasi ekspert Çingiz Şahbazi Böyük Britaniyanın Rusiya ilə birbaşa müharibəyə girmək ehtimalının yaxın perspektivdə aşağı olduğunu söyləyib:

Həmçinin oxuyun

Bu halda işini itirənlər dövlətdən pul alacaq    —   ŞƏRTLƏR VƏ QAYDASI

SON DƏQİQƏ! TƏBİB-ə  rəhbər təyin olundu

Orban getdi, Peter Madyar gəldi: Macarıstanda yeni hakimiyyət Azərbaycanın maraqlarına necə təsir edəcək?  —  TƏHLİL

Nazirlər Kabinetindən yeni QƏRAR:  Sentyabrın 1-dən qüvvəyə minir

“Bu baxımdan Böyük Britaniya Silahlı qüvvələrinin keçirdiyi hərbi təlimlər, nə Rusiya üçün təhlükə mənbəyi kimi qəbul edilməlidir, nə də ki, bu təlimlərin keçirilməsində məqsəd Rusiya ilə müharibə ehtimalından qaynaqlanır. Amma Rusiya və Ukrayna müharibəsi fonunda, ümumiyyətlə Avropa ölkələrində  hərbi sahədə mobilizasiya işlərinin aparılması məqsədilə daha müasir dövrün tələblərinə cavab verən hərbi texnika və texnologiyaların orduda cəmləşdirilməsi müşahidə olunur. Bu səbəbdən canlı qüvvənin, bu texnologiyaların mənimsənilməsi istiqamətində, peşəkarlığın  artırılması məqsədilə təlimlərin keçirilməsinə daha çox əvvəlki illərdən fərqli olaraq diqqət yetirilir. Əlbətdə ki Londondakı narahatlıq ehtiyyatlı planlaşdırma strategiyası ilə bağlıdır və bu səbəbdən keçirilən təlimlər müharibə siqnalı olaraq görülməməlidir”.

Şahbazi əlavə edib ki, Britaniya NATO üzvüdür və NATO-nun 5-ci maddəsinə əsasən, Böyük Britaniya da kollektiv müdafiə prinsipləri çərçivəsində yer alır: 

“Bu baxımdan da Britaniya və digər NATO ölkələrinin keçirdikləri hərbi təlimlər, deməyə əsas verir ki, Rusiya Avropada genişmiqyaslı müharibə aparmaq qabiliyyətini tam itirməyib və bu istiqamətdə təhlükələr gözlənilir. Xüsusilə də Baltik ölkələri və Şərqi Avropa daha çox riskli zonalardır. Buna görə də Avropa ölkələri ,o cümlədən Böyük Britaniya, ola biləcək ən pis ssenariyə hazırlaşır və burdakı şəhər müharibəsi təlimləri, real münaqişə ehtimalına qarşı planlaşdırmadır. Çünki Ukrayna müharibəsi zamanı belə hallar nəzəri yox, praktik təcrübə əsasında görüldü. Bu səbəbdən Britaniya hökumətinin keçirdiyi təlimlər daha çox gələcək perspektivləri əhatə edir və bu müharibə istəyi deyil. Hazırlıqsız yaxalanma riskini azaldan siyasətdir və Böyük Britaniya hazırlıqlı olmaq strategiyasını gücləndirir”.