ŞOK! Bu ölkələr arasında müharibə təhlükəsi: BMT-yə məktub getdi

Çinin BMT-dəki daimi nümayəndəsi Fu Konq BMT-nin baş katibi Antonio Quterreşə məktub göndərərək bildirib ki, Yaponiya Tayvan boğazına silahlı müdaxilə etməyə cəhd edərsə, Pekin özünümüdafiə hüququndan istifadə edəcək.

Oxu24.com  xəbər verir   ki, bu barədə Sinxua xəbər agentliyi məlumat verib.

Məktubda deyilir: "Əgər Yaponiya Tayvan boğazına silahlı müdaxilə etməyə cəsarət edərsə, bu, təcavüz aktı hesab ediləcək. Çin BMT Nizamnaməsinə uyğun olaraq özünümüdafiə hüququndan qətiyyətlə istifadə edəcək və suverenliyini qətiyyətlə müdafiə edəcək".

Məktubda vurğulanır ki, Yaponiyanın Baş naziri Sanae Takaiçinin son açıqlamaları "1945-ci ildə Yaponiyanın məğlubiyyətindən bəri ilk dəfə" bir Yaponiya liderinin "Tayvandakı fövqəladə vəziyyəti" rəsmi olaraq Yaponiyanın öz təhlükəsizliyi və kollektiv özünümüdafiə hüququ ilə əlaqələndirməsidir.

Diplomatın sözlərinə görə, bu, həm də Tokionun "hərbi müdaxilə ambisiyalarını ifadə etməsi" və əslində "Çinə qarşı güc tətbiq etməklə hədələməsi" ilə bağlı ilk haldır.

Fu Tsunq Takaiçinin açıqlamalarını "son dərəcə təhlükəli", "beynəlxalq hüququn kobud şəkildə pozulması" və Yaponiya təcavüzündən əziyyət çəkən 1,4 milyard çinli və asiyalıya qarşı "açıq təxribat" adlandırıb.

Məktub BMT Baş Assambleyasının rəsmi sənədi kimi yayılacaq.

Yaponiya-Çin münasibətlərindəki pisləşmə, Takaiçinin Parlamentdəki müzakirələr zamanı Tayvan yaxınlığında mümkün hərbi böhranın Yaponiyanı "kollektiv özünümüdafiə hüququndan" istifadə etməyə məcbur edə biləcək "mövcudluq təhlükəsi" yaradacağını bildirməsindən sonra başladı. Bu, Pekinin kəskin narazılığına səbəb oldu və Tokioya ciddi şəkildə irad bildirdi.

Çinin Osakadakı baş konsulu Xue Jian sosial mediada Yaponiya Baş nazirinin "başını kəsəcəyi" ilə hədələdi, lakin sonradan paylaşım silindi. Çin Xarici İşlər Nazirliyi daha sonra Çin vətəndaşlarını Yaponiyaya səyahət etməmək barədə xəbərdar edib.

Hazırladı: Jalə

Həmçinin oxuyun

Saxta profil açmaq hansı hallarda cinayət məsuliyyəti yaradır? – Vəkildən  açıqlama  

İşini itirən şəxslərin kredit borcu necə tənzimlənir? – ABA ekspertindən  AÇIQLAMA  

Bakıdan Tiflisə qatarla getmək istəyənləri düşündürən bütün suallara RƏSMİ CAVAB

Bakı-Tbilisi qatarının qiyməti açıqlandı - Rəsmi