Gündəm olan ailənin sonuncu üzvü də öldü - Səbəb hələ də bilinmir

news/2025_11_17/bocekesas_1763407216.jpg

DÜNYA

505

17.11.2025, 23:19

İstanbulun Fatih rayonunda qida zəhərlənməsi şübhəsi ilə xəstəxanaya yerləşdirilən Böcek ailəsinin sağ qalan son üzvü – ata Servet Böcek də vəfat edib.

“Qafqazinfo” xəbər verir ki, bu barədə məlumatı İstanbul Vilayət Sağlamlıq İdarəsinin müdiri Abdullah Emre Güner sosial şəbəkə hesabında açıqlayıb.

O bildirib ki, iki uşaq və ananın ölümündən sonra tibbi müdaxilələrə baxmayaraq, atanın da həyatını xilas etmək mümkün olmayıb.

Xatırladaq ki, noyabrın 9-da Almaniyadan İstanbula gələn Servet və Çiğdem Böcek ailəsi Fatihdəki hotellərdən birində qalıb.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Ailə üzvləri noyabrın 12-si ürəkbulanma və qusma şikayətləri ilə xəstəxanaya yerləşdirilmişdi. Uşaqlar ilkin tibbi yardıma baxmayaraq, vəfat etmişdi. Ana Çiğdem Böcek övladlarından 2 gün sonra həyatını itirmişdi. Ata Servet Böceyin vəziyyəti isə son günlər ağır olaraq qiymətləndirilirdi.

Onu da bildirək ki, ailə ilə eyni hoteldə qalan iki turist də oxşar simptomlarla xəstəxanaya yerləşdirilmiş, daha bir nəfər müşahidə üçün klinikada saxlanılmışdı. Hadisədən sonra polis hotelin fəaliyyətini müvəqqəti dayandıraraq onu möhürləmişdi.

Ailə faciəsi ilə bağlı irəli sürülən iddialardan biri isə midye adlı dəniz məhsulundan zəhərlənmə ehtimalıdır. O iddia da sosial şəbəkələrin Türkiyə seqmentində geniş müzakirələrə səbəb olub.