Dron hücumu Rusiyanın iri neft zavodunu SIRADAN ÇIXARDI

DÜNYA

520

13.11.2025, 14:58

Rusiyanın Orenburq vilayətində yerləşən ən böyük neft emalı müəssisələrindən biri “Orsknefteorqsintez” (“OrskNOS”) zavodu fəaliyyətini tamamilə dayandırıb.

“Forteinvest” şirkətinə məxsus olan bu müəssisə noyabrın 10-da baş verən qəza səbəbindən xammal emalını dayandırıb və həftənin sonuna qədər işə başlamayacaq.

Bu barədə “Reuters” agentliyi sənaye mənbələrinə istinadən məlumat yayıb.

“Neft emalı zavodu bazar ertəsindən bazar gününə qədər işləməyəcək. Tamamilə bağlanıb. Texniki fövqəladə vəziyyət yaranıb”, - Mənbə deyib.

Həmçinin oxuyun

Azərbaycanda futbolçu bıçaqlandı - DETALLAR

Murad Hacıyev həbs olundu

Prezidentin gəlini onlarla kofe hazırladı - Fotolar

İlham Əliyevin Əbu-Dabidə Birləşmiş Ərəb Əmirliklərinin Prezidenti ilə görüşü olub

Bildirilir ki, avadanlığın modernləşdirilməsi zamanı yanğın baş verib, lakin alov sonradan söndürülüb.

Məlumata əsasən, noyabrın 11-də zavod pilotsuz uçuş aparatlarının (PUA) hücumuna məruz qalıb. Orenburq vilayətinin qubernatoru Yevgeni Solnsev həmin gün bildirib ki, PUA hücumu nəticəsində regiondakı sənaye obyektlərindən biri zərər çəkib, lakin konkret hansı müəssisədən söhbət getdiyini açıqlamayıb.

“OrskNOS”un illik nominal gücü 5,76 milyon ton neft xammalı təşkil edir. Zavod vilayətin yanacaq bazarının 40 faizdən çoxunu təmin edir və məhsulunu qonşu regionlara da ixrac edir. “Reuters” mənbələrinin məlumatına görə, son aylarda zavod gündəlik təxminən 13 min ton xammal emal edirdi. Beləliklə, bir həftəlik dayanma nəticəsində təxminən 70 min tonluq emal həcmi itiriləcək.