Pentaqon Ukrayna üçün silah alışının artırılmasının tərəfdarıdır

DÜNYA

618

15.10.2025, 14:34

Birləşmiş Ştatlar NATO müttəfiqlərinin Ukrayna üçün silah alışını artıracağını gözləyir.

Oxu24.com xəbər verir ki, bunu oktyabrın 15-də Brüsseldə NATO-ya üzv ölkələrin müdafiə nazirlərinin görüşündən əvvəl ABŞ-ın müdafiə naziri Pit Heqset deyib.

Bu, Donald Tramp administrasiyası dövründə başlanmış PURL təşəbbüsünə aiddir. Birləşmiş Ştatlar artıq Ukraynaya birbaşa silah vermir, onu tərəfdaş ölkələrə satır, sonra isə onları Kiyevə ötürür. Üstəlik, bu alışlar Ukraynanın istəkləri əsasında həyata keçirilir.

Heqsetin sözlərinə görə, Rusiya ilə müharibə vəziyyətində olan Ukraynaya silah tədarükünün artırılması tezliklə sülhün əldə olunması üçün lazımdır. "Sülh güclü olduqda əldə edilir", deyə Pentaqon rəhbəri qeyd edib.

Brüsseldə Ukraynanın müdafiəsi üzrə təmas qrupunun (qondarma Ramşteyn formatı) görüşü də keçirilir. NATO-nun baş katibi Mark Rutte PURL təşəbbüsünə qoşulacaq yeni ölkələrin elan ediləcəyini açıqlayıb. Buraya Finlandiya da daxildir.

Ruttenin sözlərinə görə, təşəbbüs çərçivəsində artıq Ukrayna üçün silahlara təxminən 2 milyard dollar ayrılıb.

Hazırda təşəbbüsdə Almaniya, Hollandiya, Kanada, İsveç, Danimarka və Norveç iştirak edir.

NATO baş katibinin sözlərinə görə, oktyabrın 15-də keçiriləcək görüşdə “Tomaqavk” qanadlı raketlərinin Ukraynaya mümkün tədarükü məsələsi müzakirə olunmayacaq, çünki bu, ABŞ və Ukrayna arasında ikitərəfli münasibətlərdən gedir. Bu mövzunun oktyabrın 17-də iki ölkə prezidentlərinin Vaşinqtonda keçiriləcək görüşündə qaldırılacağı gözlənilir.

Nigar

Həmçinin oxuyun