Avropa İttifaqı Rusiya diplomatları üçün yeni səyahət qaydaları təklif edib

DÜNYA

565

26.09.2025, 19:18

Aİ-nin digər ölkələrlə qarşılıqlı fəaliyyətinə cavabdeh olan Avropa Xarici Fəaliyyət Xidməti (EEAS) qarşıdan gələn 19-cu sanksiyalar paketinin bir hissəsi olaraq Aİ ölkələrində uzunmüddətli vəzifələrdə olan rus diplomatlarından ittifaq daxilindəki hər bir hərəkət haqqında məlumat vermələrini tələb etməyi təklif edib.

Oxu24.com xəbər verir ki,bu barədə “Reuters” Aİ-dəki mənbəyə istinadən məlumat yayıb.

Agentliyin mənbəsinin sözlərinə görə, belə bir bildiriş sisteminin tətbiqi üzv ölkələrə rus diplomatlarını istədikləri təqdirdə ölkəyə buraxmağa imkan verəcək.

Vurğulanır ki, Baltikyanı ölkələr və Çexiya ötən ildən fəal şəkildə Rusiya diplomatik personalının hərəkətinə məhdudiyyət qoyulmasını müdafiə edir.

Həmçinin oxuyun

Prezidentdən deputatın oğlu ilə bağlı SƏRƏNCAM

Eyyubovlardan sonra növbə kimindir?

Yuxu dərmanı atıb yatanlara VACİB XƏBƏR

Putin buna görə Əliyevdən üzr istəyib — RUSİYANIN AÇIQLAMASI

Cümə günü, sentyabrın 26-da Aİ-yə üzv ölkələrin daimi nümayəndələri Avropa Komissiyasının 19-cu anti-Rusiya sanksiyalar paketi ilə bağlı təklifini müzakirə etmək üçün ilk iclasını keçirəcəklər.

Bu paket çərçivəsində Avropa Komissiyası Rusiya, Hindistan və Çin şirkətlərinə ixrac nəzarətini gücləndirməyi, həmçinin bəzi kimyəvi maddələrin, filizlərin, metalların və duzların ixracına qadağa qoymağı planlaşdırır. Bundan başqa, Aİ Rusiyada xüsusi iqtisadi zonaların fəaliyyətini məhdudlaşdırmaq niyyətindədir.

Bundan əvvəl Avropa Komissiyası ruslar üçün Şengen vizaları ilə bağlı qərar qəbul edib.

Nigar