İlin ikinci Ay tutulması başlayıb - YENİLƏNİB 

19:57

2025-ci ilin ikinci Ay tutulması baş verir.

Bakı Dövlət Universitetinin (BDU) Fizika fakültəsinin Astrofizika kafedrasından Milli.Az-a verilən məlumata görə, bu, bəzən "Qanlı Ay" da adlandırılan tam Ay tutulmasıdır.

Ay tutulmasının vaxt cədvəli

Yarımkölgəli Ay tutulması saat 19:28:21-də, qismən tutulma saat 20:27:02-də, tam tutulma saat 21:30:41-də başlayacaq. Tutulmanın maksimumu saat 22:11:47-də baş verəcək.

Tam tutulma saat 22:52:47-də, qismən tutulma saat 23:56:26-da, yarımkölgəli Ay tutulması saat 00:55:00-da sona çatacaq.Tam tutulma 82 dəqiqə davam edəcək.

Ay tutulmasını Azərbaycanda da görmək mümkün olacaq

2025 -ci ilin ikinci tam Ay tutulması Avropa, Afrika, Asiya və Avstraliyada görünəcək. Azərbaycan ərazisində axşam saatlarından başlayaraq gecə yarısına kimi tam Ay tutulmasını müşahidə etmək mümkün olacaq. Ölkə vətəndaşları Qanlı Ay tutulmasını canlı izləyə bilərlər.

---------

09:46

Bu gecə Yer, Günəş və Ay bir xəttə düzüləcək və Ay tam tutulma mərhələsinə çataraq öz zirvəsini yaşayacaq.

 Hadisə barədə Şimal İrlandiyanın Queens University məlumat yayıb.

Bu təbii hadisə Avropanın, Avstraliyanın və Afrikanın bəzi bölgələrində də görünəcək.

Məlumatda bildirilir ki, bazar günü gecə Asiya, Avropa, Avstraliya və Afrika ərazilərində tam Ay tutulması zamanı "Qanlı Ay" fenomeni müşahidə ediləcək.

Günəş, Yer və Ay düz xəttə gəldikdə, planetimizin kölgəsi Ayın üzərinə düşür və onu qəribə, dərin qırmızı rəngdə işıqlandırır. Bu möhtəşəm mənzərə minillərdir insanları valeh edir.

Asiyanın, o cümlədən Hindistan və Çin ərazilərində yaşayanlar tutulmanı ən yaxşı şəraitdə izləyə biləcəklər. Eyni zamanda hadisə Afrikanın şərq hissələrində və Avstraliyanın qərbində də görünəcək.

Avropa və Afrikada isə Ayın üfüqdən qalxması zamanı qısa müddətli qismən tutulma müşahidə olunacaq. Amerika qitəsi isə bu dəfə tutulmanı görə bilməyəcək.

Tam Ay tutulması 17:30 GMT-də başlayaraq 18:52 GMT-də sona çatacaq.

Şimal İrlandiyanın Queens University Belfast universitetinin astrofiziki Rayan Milliqan qeyd edir ki, Ayın qırmızı rəngdə görünməsinin səbəbi Yer atmosferindən süzülən və əks olunan günəş işığının Ayın üzərinə düşməsidir.

Həmçinin oxuyun

AZƏRBAYCANDA MAAŞ KARTLARI İLƏ BAĞLI YENİ QAYDA - Vətəndaş nə qazanacaq? 

Nazir müşavirinə yeni vəzifə verildi 

SON DƏQİQƏ! Güclü partlayış baş verib:3 qurum açıqlama yaydı

13 avqustda bizi nələr gözləyir? — ULDUZ FALI