Karib dənizində təhlükəli gərginlik: Venesuela təyyarələri və ABŞ donanması üz-üzə gəlib  

ABŞ və Venesuela arasında gərginlik artmaqda davam edir.

Oxu24.com  xəbər  verir   ki, ABŞ Müdafiə Nazirliyi (Pentaqon) iki Venesuela hərbi təyyarəsinin beynəlxalq sularda ABŞ hərbi dəniz gəmisinə yaxın uçduğunu açıqlayıb.

Pentaqonun X sosial media hesabında "Bu gün (Venesuela prezidenti Nikolas) Maduro rejiminə aid iki hərbi təyyarə beynəlxalq sularda ABŞ hərbi gəmisinin yaxınlığından uçub" ifadəsi işlədilib.

Maduronu “Venesuellanı idarə edən kartel” kimi xarakterizə edən bəyanatda Venesuela prezidentinə ABŞ ordusunun həyata keçirdiyi narkotiklərlə və terrorla mübarizə əməliyyatlarına mane olmaq üçün heç bir addım atmaması tövsiyə edilib.

Bəyanatda həmçinin, “Bu son dərəcə təxribat xarakterli hərəkət bizim narkotiklərlə mübarizə və terrorla mübarizə əməliyyatlarımıza müdaxilə etmək üçün nəzərdə tutulub” ifadəsi də qeyd edilib.

Bu arada, Venesuela dövlət televiziyası VTV-nin məlumatına görə, Maduro ABŞ-ın Karib hövzəsində artan hərbi mövcudluğunu əsas gətirərək Milli Bolivar Milislərini daha da gücləndirmək üçün yeni qərarlar qəbul edib.

Maduro ilk dəfə olaraq ölkə daxilində 15 751 məşhur müdafiə bazası və 5 336 kommunal milis birliyinin səfərbər ediləcəyini açıqlayıb.

Prezident Maduro, vətəndaşların rəqəmsal platforma vasitəsilə milis üçün qeydiyyatdan keçməyə davam etdiyini ifadə edərək, bu rəqəmin illər ərzində təhsil almış təxminən 4,5 milyon insanın, eləcə də könüllülərin əlavə edilməsi ilə 8 milyonu ötməsinin gözlənildiyini qeyd edib.

Venesuelanın hər şəraitdə sülhü qoruyub saxlamaq və xarici təhdidlərə qarşı özünü müdafiə etmək gücünə malik olduğunu vurğulayan Maduro bunun daha da gücləndiriləcəyini qeyd edib.

ABŞ prezidenti Donald Tramp daha əvvəl Latın Amerikası narkotik kartelləri ilə mübarizə məqsədi daşıdığı iddia edilən bir icra sərəncamında ordudan istifadənin artırılması və daha səmərəli istifadə edilməsi barədə göstəriş vermişdi.

Maduronun on ildən artıqdır ki, ABŞ-a narkotik qaçaqmalçılığından məsul olan “Cartel de los Soles”in lideri olduğu iddia edilir. İyulun 25-də ABŞ Maliyyə Nazirliyi “Cartel de los Soles”i Xüsusi Təyin olunmuş Qlobal Terrorçu kimi  taqdim edib.

Avqustun 8-də ABŞ administrasiyası Maduronun həbsinə və ya mühakimə olunmasına səbəb olan məlumat üçün mükafatı 25 milyon dollardan 50 milyon dollara yüksəltdiyini açıqladı.

Trampın göstərişi ilə avqustun 28-də Venesuela sahilləri yaxınlığındakı Karib bölgəsinə göndərilən bir sualtı qayıq və 7 döyüş gəmisindən ibarət dəniz qrupunun bölgəyə yola düşdüyü bildirilib.

Miri

Həmçinin oxuyun

Azərbaycanda gecə saatlarında güclü yanğın BAŞLADI

Generalın qızı ilə bağlı iddia - Natiq Əliyev kimdir? 

Ali Məhkəmədən Ramiz Mehdiyevin kürəkəni haqda QƏRAR 

TƏCİLİ! Səhiyyə Nazirliyi qarayara xəstəliyi ilə bağlı rəsmi xəbər YAYDI