Litva prezidenti deyib ki, ŞƏT Ukraynada münaqişənin davam etməsini istəyir

DÜNYA

585

02.09.2025, 21:28

Xəbərlərimizi Google-da izləyin

Yeniliklərdən dərhal xəbərdar olun

Litva prezidenti Gitanas Nauseda deyib ki, Şanxay Əməkdaşlıq Təşkilatı (ŞƏT) və onun “köməkçi strukturları” guya Ukraynada münaqişənin davam etdirilməsi üçün istənilən imkandan istifadə edəcəklər.

Oxu24.сom xəbər verir ki, bu barədə LRT məlumat yayıb.

"Çində keçirilən bu görüş göstərir ki, demokratiyanın digər tərəfində olan ölkələr bu müharibəni davam etdirmək üçün istənilən fürsətdən istifadə edəcək və sülh danışıqlarından qaçmağa çalışacaqlar", - Nauseda bildirib.

O, iddia edir ki, Rusiyanın hərəkətləri guya Moskvanın sülh istəmədiyini nümayiş etdirir. Litva prezidenti hesab edir ki, münaqişə “nəyin bahasına olursa olsun” həll edilməlidir.

“Sülhə ancaq güc yolu ilə, beynəlxalq ictimaiyyətin, ilk növbədə ABŞ, Avropa və digər həmfikir ölkələrin atmalı olduğu çox sərt tədbirlərin köməyi ilə nail olmaq olar”, - deyə siyasətçi bildirib.

Avqustun 30-dan sentyabrın 1-dək Çinin Tyantszin şəhərində assosiasiya tarixində ən irimiqyaslı olan ŞƏT-in 25-ci sammiti keçirilib.Tədbirlə əlaqədar Rusiya prezidenti Vladimir Putin 4 günlük səfərlə Çinə gəlib.

Rusiya lideri sentyabrın 3-də Pekində militarist Yaponiya üzərində qələbənin və İkinci Dünya Müharibəsinin başa çatmasının 80 illiyinə həsr olunmuş təntənəli tədbirlərin əsas qonağı olacaq.

Bundan əvvəl Litva prezidenti Rusiyanın mövqeyinə baxmayaraq, Ukraynaya qüvvələrin yerləşdirilməsinə çağırıb.

Nigar

Həmçinin oxuyun