Rusiyaya  PUA hücumu BAŞLADI  - HAVA LİMANLARI BAĞLANDI

Dünən gecədən etibarən Ukrayna qüvvələri Rusiya ərazisinə kütləvi şəkildə hücuma başlayıb.Rusiyanın müxtəlif şəhərlərinə PUA-larla hücumlar edilib.Dağıstanda pilotsuz təyyarələrin hücumu barədə xəbərdarlıq edilib.

Oxu24.com   xəbər verir  ki, bu barədə Rusiya Fövqəladə Hallar Nazirliyinin Respublika üzrə Baş İdarəsinin Teleqram kanalında məlumat verilib.

"Diqqət! Dağıstan Respublikası ərazisinə pilotsuz təyyarələrin hücumu təhlükəsi. Mümkünsə evdə qalın! Möhkəm divarları olan pəncərəsiz otaqlarda örtünün! Pəncərələrə yaxınlaşmayın! Çöldə və ya avtomobildəsinizsə, ən yaxın sığınacağa gedin", - deyə məlumatda bildirilir.

İdarədən əlavə ediblər ki, mobil internetin işində fasilələr yarana bilər. Dron xəbərdarlığı zamanı yerli sakinlərə evlərini tərk etməmək tövsiyə olunur. 

Leninqrad vilayətində də  dron hücumu xəbərdarlığı elan edilib. Bu barədə regionun rəhbəri Aleksandr Drozdenko məlumat verib.

"Leninqrad vilayətinin hava məkanında PUA xəbərdarlığı. Hava hücumundan müdafiə sistemi fəaliyyətdədir", - o yazıb.

Dronlar Sızranda sənaye müəssisəsinə hücum edib. Bu barədə məlumat Samara vilayətinin qubernatoru Vyaçeslav Fedorişşevin Telegram-kanalında yer alıb.

Onun sözlərinə görə, ilkin məlumata görə, itki yoxdur. Hücum zamanı şəhərin xəbərdarlıq sistemi işə salınıb: səsgücləndiricilər vasitəsilə sirenlər səslənib və səsli xəbərdarlıqlar yayımlanıb.

Rayonda “Xalça” rejimi tətbiq edilib, hava məkanı müvəqqəti bağlanıb.

Ukraynaya məxsus pilotsuz uçan aparat Kursk AES-in yaxınlığında hava hücumundan müdafiə sistemləri tərəfindən vurulub və o, düşən zaman döyüş başlığı partlayıb və öz transformatorunu zədələyib.

Bu barədə stansiyanın mətbuat xidməti məlumat yayıb.

Hadisə avqustun 24-də Moskva vaxtı ilə saat 00:26-da baş verib. Partlayış yerli yanğına səbəb olub, yanğın tez bir zamanda söndürülüb. İtki yoxdur, radiasiya fonu normaldır.

Hücumlara  görə Kazan, Ulyanovsk, Kirov, Samara, İjevsk, Nijni Novqorod və Şeremetyevo hava limanlarında da uçuşlara məhdudiyyətlər tətbiq edilib.

Oxu24.com saytının əldə etdiyi məlumata görə,Rusiya boyunca internet müəyyən saatlarda kəsilib.Həmçinin müəyyən məhdudiyyətlər tətbiq olunub.

Nigar

Həmçinin oxuyun

İlham Əliyev SƏRƏNCAM İMZALADI

Hakan Fidanın Bakıda  görüşünün - Pərdəarxası 

Mehdiyev və Talıbovun yerinə onlar seçildi

Məşhur müğənni bacıların atası niyə həbs olunmuşdu? - HƏYAT HEKAYƏSİ