Qaynar xətt:

(+99450) 247 90 86

Ərdoğanla Makron telefonda danışdılar 

news/2025_08_22/erdogan_mak_1755857892.webp

DÜNYA

468

22.08.2025, 14:16

Türkiyə  prezidenti Rəcəb Tayyib Ərdoğan həmkarı Emmanuel Makronla telefon danışığı aparıb.

Oxu24.com  xəbər  verir    ki, telefon danışığında   Türkiyə ilə Fransa arasındakı ikitərəfli əlaqələr, Rusiya-Ukrayna sülh prosesi və Qəzzada son vəziyyət də daxil olmaqla çoxsaylı regional və qlobal hadisələr müzakirə edilib.

Ərdoğan Türkiyənin Ukrayna-Rusiya müharibəsini ədalətli sülh yolu ilə bitirmək üçün səylərinin davam etdiyini, Alyaska və Vaşinqtondakı görüşləri yaxından izlədiklərini bildirib.

Ərdoğan Türkiyənin Ukrayna ilə Rusiya arasında sülh danışıqlarında bütün səylərə ev sahibliyi etməyə hazır olduğunu bildirərək, Türkiyənin böyük humanitar fəlakət yaşayan Qəzzada atəşkəsə nail olmaq üçün səy göstərdiyini, Qəzzanı işğal etmək planlarını sürətləndirən İsrailin göstərdiyi ehtiyatsızlığın qarşısının alınmasının vacibliyini qeyd edib.

İki lider Nyu-Yorkda BMT Sammiti çərçivəsində müzakirə olunan məsələlərin təfərrüatlarını müzakirə etmək barədə razılığa gəliblər.

Prezident Ərdoğan Türkiyənin Fransa ilə əməkdaşlığın inkişaf etdirilməsinə önəm verdiyini və başda müdafiə sənayesi olmaqla bir çox sahədə əlaqələrin daha da inkişaf etdirilməsi üçün addımlar atmağa davam edəcəklərini bildirib.

Miri