Qaynar xətt:

(+99450) 247 90 86

20-dən çox xarici lider Çində ŞƏT sammitində iştirak edəcək

news/2025_08_22/satt_1755855510.jpg

DÜNYA

475

22.08.2025, 13:36

20-dən çox xarici lider Çində ŞƏT sammitində iştirak edəcək.

Oxu24.com   xəbər  verir   ki, avqustun 31-də Tyantszində Şanxay Əməkdaşlıq Təşkilatının sammitində 20-dən çox xarici dövlətin lideri iştirak edəcək.

Bu barədə mətbuat konfransında Çinin xarici işlər nazirinin köməkçisi Liu Bin məlumat verib.

"Çin Xalq Respublikasının sədri Si Cinpin 20-dən çox xarici ölkə lideri və 10 beynəlxalq təşkilatın rəhbəri ilə Hayhe çayının sahilində bir araya gələcək", - diplomat bildirib.

Dəvət olunanlar arasında Rusiya prezidenti Vladimir Putin, Belarus lideri Aleksandr Lukaşenko, İran prezidenti Məsud Pezeşkian, Türkiyə prezidenti Rəcəb Tayyib Ərdoğan, Qazaxıstan lideri Kasım-Jomart Tokayev, Qırğızıstan prezidenti Sadır Japarov, Pakistanın baş naziri Şahbaz Şərif, Azərbaycan prezidenti İlham Əliyev, Ermənistanın baş naziri Nikol Paşinyan və digər xarici ölkə liderləri var.

Liu Bin qeyd edib ki, tədbirin bütün iştirakçıları ŞƏT-in uğurlu fəaliyyətini müzakirə edəcək, təşkilatın inkişaf vektorunu müəyyənləşdirəcək və ölkələr arasında qarşılıqlı əməkdaşlıq çərçivəsində ümumi dil tapacaqlar.

Bundan əvvəl, iyulun 16-da Ermənistan ŞƏT-ə üzv olmaq üçün müraciət etmişdi. Paşinyan vurğulayıb ki, İrəvan təşkilatın tərəfdaşıdır, ona görə də belə bir qərar “təsadüfən” verilməyib.

Nigar