Tramp Almaniya kanslerinə Ukrayna üçün ABŞ-dan Patriot almağı təklif edib

news/2025_07_16/upload_2025_06_05t161550z_870632476_rc2gwea6dzyk_rtrmadp_3_usa_germany_pic_32ratio_900x600_900x600_31927_1752651962.jpg

DÜNYA

900

16.07.2025, 11:40

ABŞ prezidenti Donald Tramp Almaniya kansleri Fridrix Merzə Ukrayna üçün iki əvəzinə beş Patriot sistemi almağı təklif edib.

Oxu24.com xəbər verir ki, bu barədə mənbələrə istinadən Wall Street Journal (WSJ) məlumat yayıb.

İyulun 11-də Trampla Merz arasında telefon danışığı olub.Nəşrin məlumatına görə, Almaniya kansleri Ukrayna üçün beş Patriot sistemi almağa razılaşıb, lakin o, bu məsələni digər Avropa liderləri ilə müzakirə etməlidir.

İyulun 14-də Tramp Ukraynaya yeni silah və texnika, o cümlədən Patriot hava hücumundan müdafiə sistemləri vəd edib.

O vurğulayıb ki, onlar Ukraynanı qorumaq üçün lazımdır, çünki Rusiya prezidenti Vladimir Putin “gözəl danışır, amma sonra axşam hamını bombalayır”.

Ağ Ev rəhbəri Ukrayna Silahlı Qüvvələrinə təhvil verməyi planlaşdırdığı sistemlərin dəqiq sayını açıqlamayıb, lakin əlavə edib ki, Avropa İttifaqı onların dəyərini ABŞ-a ödəyəcək.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Bundan əvvəl “Politico” yazıb ki, Trampın Ukraynaya Amerika silahlarının tədarükü ilə bağlı yeni plan haqqında sözləri ABŞ-ın müttəfiqlərini xeyli çaşdırıb. Onlar hələ başa düşə bilmirlər ki, bu istəklərin planlaşdırılması hansı mərhələdədir və Trampın planının həyata keçirilməsində konkret olaraq necə iştirak edəcəklər.

Qeyd edək ki, daha əvvəl Trampın Ukraynaya vəd etdiyi “Patriot” hava hücumundan müdafiə sistemlərinin mənbəyi kimi Rusiyaya dost bir ölkənin adı çəkilmişdi.

Nigar