BMT-nin qərargahında yeni Suriya bayrağı

news/2025_04_25/843688_src_1745598065.jpg

DÜNYA

352

25.04.2025, 20:19

Suriyanın xarici işlər naziri Əsəd əl-Şibani Birləşmiş Millətlər Təşkilatının (BMT) Nyu-Yorkdakı mənzil-qərargahında ölkəsinin yeni bayrağını qaldırıb.

Oxu24.com xəbər verir ki, bu barədə Suriya xəbər agentliyi SANA bildirib.

Xarici İşlər Nazirliyinin rəhbəri bayrağın qaldırılması anını “tarixi” adlandırıb. Asaad əl-Şibani Əl-Cəzirə telekanalına bildirib ki, bu addım “yalnız simvolik bir addım deyil”, həm də “Suriya xalqının xatirəsinə hörmət” və “qələbəsinin simvolu” idi. Diplomatın sözlərinə görə, suriyalılar bu addımı 14 ildir ki, gözləyirlər.

Üç qırmızı ulduzlu yaşıl, ağ və qara bayraq Əhməd əl-Şaraa hakimiyyətə gəldikdən sonra ölkənin yeni hökuməti tərəfindən rəsmən qəbul edilib. Bayraq Bəşər Əsəd rejiminin devrilməsinin simvoluna çevrilib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Suriya xarici işlər nazirinin BMT-nin mənzil-qərargahına səfəri bu həftə Suriyanın yüksək səviyyəli nümayəndə heyətinin 20 ildən artıq müddətdə ilk dəfə Beynəlxalq Valyuta Fondu və Dünya Bankının nümayəndələri ilə görüşlərdə iştirak etməsindən sonra baş tutub.

Fevral ayında Avropa İttifaqı enerji və nəqliyyat sektorlarında Suriyaya qarşı sanksiyaları dayandırıb. Britaniya hökuməti həmçinin mart ayında Suriyanın bir sıra qurumlarının, o cümlədən ölkənin mərkəzi bankının və neft şirkətlərinin aktivlərini dondurub. Daha sonra Böyük Britaniya Müdafiə Nazirliyi və Daxili İşlər Nazirliyi də daxil olmaqla, Suriyanın bir sıra kəşfiyyat qurumlarını, media qurumlarını və nazirliklərini sanksiya siyahısından çıxarıb.

Nigar