Zibilyığan axtarılır - Maaş 5 milyon manatdır

news/2025_04_14/zibil_qabi_1744651764.jpg

DÜNYA

261

14.04.2025, 21:22

NASA Ayda insana məxsus bioloji tullantıları geri dönüşdürə biləcək texnologiya üçün 3 milyon dollar mükafat verəcək

NASA, Ayda və digər uzunmüddətli kosmik missiyalarda yaranan insana məxsus bioloji tullantıların geri çevrilməsi üçün texnologiyaların hazırlanmasına dair elan etdiyi "LunaRecycle Challenge" adlı beynəlxalq yarışmanın qalibinə 3 milyon dollar (təxminən 113 milyon manat) mükafat verəcəyini açıqlayıb.

Yarışmanın məqsədi astronavtların Ay səthində və gələcək kosmik səfərlərdə yaratdığı tullantıların effektiv şəkildə emal edilərək yenidən istifadəsini mümkün edən texnologiyaların inkişaf etdirilməsidir. NASA-nın açıqlamasına görə hal-hazırda Apollon missiyalarından qalan 96 torba bioloji tullantı Ay səthində qalır və bu da gələcək missiyalar üçün ətraf mühit baxımından risk yaradır.

Həmçinin oxuyun

Öz adına kredit götürüb başqasına verənlərə VACİB XƏBƏR — Məhkəmə təhlükəsi

Bəylər Eyyubovun general qohumu işdən ÇIXARILDI

Yeni general Kəmaləddin Heydərovun xanımının dayısı oğlu imiş -DETALLAR

Zelenski mühüm səfərə GETDİ: Nələr dəyişir?

Layihə çərçivəsində hazırlanan sistemlərin, Ayda qurulması planlaşdırılan uzunmüddətli yaşayış məntəqələrində istifadəsi nəzərdə tutulur. NASA-nın rəsmi saytında yerləşdirilən məlumatda qeyd olunub: "NASA davamlı kosmik araşdırmalara sadiqdir. Gələcək insanlı kosmik missiyalar üçün bərk tullantılar da daxil olmaqla bütün tullantı növlərinin necə azaldılacağı, saxlanılacağı və geri çevriləcəyi məsələsi əsas prioritetlərdən biridir. Bu yolla Yerə geri göndərilməli olan tullantıların miqdarı əhəmiyyətli dərəcədə azaldıla bilər."

NASA həmçinin yarışmanın yalnız kosmos üçün deyil, Yer üzündəki kiçik icmalar üçün də tətbiq oluna biləcək daha səmərəli və az zəhərli geri dönüşüm sistemlərinin yaradılmasına ilham verəcəyini vurğulayıb.