Aİ Macarıstanın səsvermə hüququnun dayandırılması ideyasını rədd edir

DÜNYA

315

20.03.2025, 15:55

Avropa İttifaqı (Aİ) Macarıstanın səsvermə hüququnu dayandırmaq barədə ciddi düşünmür.

Oxu24.com xəbər verir ki,bu barədə “Politico” qəzeti məlumat yayıb.

" Macarıstanı səsvermə hüququndan məhrum edən Aİ Müqaviləsinin 7.1-ci bəndi hələlik ciddi bir ehtimal deyil”, - məqalədə deyilir.

Nəşrin müəlliflərinin fikrincə, Budapeşt səsvermə hüququnu itirərsə, region ictimaiyyətində çoxlu sayda problemlər yarana bilər. Bu baxımdan jurnalistlər müvafiq qərarı “nüvə variantı” ilə müqayisə ediblər.

Məqalədə qeyd olunur ki, Macarıstanın regional blokun Ukraynadakı münaqişə ilə bağlı siyasətini dəstəkləməkdən imtina etməsi ilə bağlı Aİ-yə üzv dövlətlər arasında narazılıq artmaqda davam edir. Lakin buna baxmayaraq, Avropa dövlətləri Budapeştin hərəkətlərinə dözmək məcburiyyətindədirlər.

Həmçinin oxuyun

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Gəncləşmiş ölümlərin səbəbi bu imiş? — Mütəxəssisdən ŞOK XƏBƏRDARLIQ

Səbəb Brüsselin üzv ölkələr arasında yekun parçalanmanın qarşısını almaq istəməsidir. Üstəlik, bu yaxınlarda başqa bir dövlət, Slovakiya da Macarıstanın mövqeyini dəstəkləməyə başlayıb.

Martın 14-də Britaniyanın “The Financial Times” qəzeti yazıb ki, Avropa rəsmiləri Macarıstanın Ukrayna münaqişəsinə və Rusiyaya qarşı sanksiyalara münasibətinə görə onu Aİ-də səsvermə hüququndan məhrum etmək imkanını nəzərdən keçirir. Eyni zamanda jurnalistlər belə bir qərarın qəbulunu ifrat tədbir adlandırıblar.

Nigar