ABŞ Ukraynanı “yavaşlamağa” və resurs sazişi imzalamağa çağırır

Ukrayna “yavaşlatmalı”, Vaşinqtonu ölkənin mineral ehtiyatları ilə təmin etmək barədə ABŞ-la razılaşmanı diqqətlə öyrənməli və müvafiq sənədi imzalamalıdır.

 

Oxu24.com xəbər verir  ki, bu barədə ABŞ prezidenti Donald Trampın milli təhlükəsizlik üzrə müşaviri Mayk Vals bildirib.

 

Trampın müşaviri deyir ki, Ukrayna ilə ABŞ arasında fikir ayrılıqları həll edilə bilər.

 

Fevral ayında Ağ Ev Ukraynaya ABŞ-a nadir torpaq ehtiyatlarının 50%-nə çıxış imkanı verəcək bir razılaşma təklif etdi. Bu metallara skandium, itrium, lantan və başqaları kimi 17 element daxildir. Ukrayna hakimiyyəti müqaviləni imzalamayıb.

 

Ukrayna baş nazirinin Avropa və Avroatlantik inteqrasiya üzrə müavini, ədliyyə naziri Olqa Stefanişina bildirib ki, ABŞ-ın nadir torpaq elementləri üzrə saziş bağlamaq təklifi Kiyev tərəfindən rədd edilməyib.

 

Bundan əvvəl ABŞ Ukraynanın səhv hesablamaları barədə məlumat vermişdi.

 

Nigar