Maqnit udan uşaq xilas edildi

Rusiyanın İrkutsk Regional Uşaq Klinik Xəstəxanasının həkimləri maqnit udan səkkiz yaşlı xəstəni xilas ediblər.

 

Oxu24.com xəbər verir  ki, bu barədə xəstəxananın baş həkimi, Rusiya Elmlər Akademiyasının müxbir üzvü Yuri Kozlov “VKontakte” səhifəsində məlumat verib.

 

Həkim qeyd edib ki, uşaq “kəskin qarın” şikayəti ilə tibb müəssisəsinə yerləşdirilib. Müayinə zamanı mütəxəssislər daxili orqanların müxtəlif seqmentlərində bir-birinə bağlı olan 16 maqnit aşkar ediblər.

 

Minimal invaziv cərrahiyyə texnologiyalarından istifadə edərək həkimlər yad cisimləri çıxarıb, orqanları ayırıb və onların bütövlüyünü bərpa ediblər.

 

Kozlov valideynlərə müraciət edərək uşaqları belə hallardan qorumaq üçün evdə maqnit saxlamamağı xahiş edib.

 

Nigar